Кога ќе стане густо, тука е мама – ова им е добро познато на децата од сите возрасти. Но што ако нивната најомилена личност не е до нив? Новото истражување покажало дека гласот на мајката преку телефон може да ја смири вознемирената детска душа исто како и прегратката. Кај ќерките, кога ќе го слушнат добро познатиот глас, се произведува истиот хормон како кога мајката ќе ги допре или нежно ќе ги прегрне, пренесува „Гардијан“.
Истражувањето е направено на девојчиња бидејќи „понежниот пол“ повеќе реагира со окситоцин. Кај жените, овој хормон игра важна улога за време на подготовката за породување, самото породување и доењето. Експертите веруваат дека постои еволутивна причина за ова. Загрозениот маж може да избере дали ќе се спротивстави или ќе побегне, додека жената нема таков избор ако е бремена или е ангажирана околу потомството. Затоа таа го ублажува стресот така што ја „смирува ситуацијата“
Американските научници намерно го подигнале нивото на стрес кај 61 девојче на возраст од седум до дванаесет години, така што пред непознати луѓе им дале да одржат говор без подготовка или да решат некој математички проблем. Ова ја забрзало работата на срцата на девојчињата и го подигнало нивото на кортизол, хормонот на стресот. Потоа биле поделени во три групи. Првата група нашла утеха во физичкиот контакт со својата мајка, девојчињата од втората група разговарале со мајките преку телефон, а оние од третата група гледале филм со неутрална содржина.
Анализите на урината и плунката покажале дека нивото на окситоцин се зголемило во првите две групи, додека во третата не. Како што се зголемувало нивото на окситоцин, така опаѓало нивото на кортизол (стрес).
„Децата кои имале контакт со нивните мајки го доживеале истиот хормонален одговор без разлика дали бил физички или преку телефон“, вели Лесли Селцер од Универзитетот Висконсин-Медисон, која ја водела студијата. Претходно се веруваше дека ослободувањето на окситоцин во контекст на социјалното поврзување бара физички контакт, но со ова се покажува дека гласот го има истиот ефект и дека тој не е моментален. Нивото на кортизол кај девојчињата останало ниско дури и кога се вратиле дома по стресната задача.
Истражувањето е направено на девојчиња бидејќи „понежниот пол“ повеќе реагира со окситоцин. Кај жените, овој хормон игра важна улога за време на подготовката за породување, самото породување и доењето. Експертите веруваат дека постои еволутивна причина за ова. Загрозениот маж може да избере дали ќе се спротивстави или ќе побегне, додека жената нема таков избор ако е бремена или е ангажирана околу потомството. Затоа таа го ублажува стресот така што ја „смирува ситуацијата“.
Лесли Селцер од Лабораторијата за детски емоции продолжува да испитува дали и другите форми на комуникација, на пример, по пат на СМС, влијаат на окситоцинот. На мајките сега им е полесно кога знаат дека можат да ги утешат своите деца и преку телефон, но можеби би сакале и ним некој ним да им го измери хормонот на стрес во моментот кога ќе го слушнат загрижениот глас на своето дете од другата страна на линијата.
