Кога новороденчето ќе добие треска, тоа може да биде знак на бактериска инфекција, а педијатрите сега имаат упатства (гајдлајн) кои ќе им помогнат да донесат најдобра одлука.
Американската академија за педијатрија во часописот „Pediatrics“ објави упатства кои треба да им помогнат во одлуката дали новороденчињата на возраст од 8 до 60 дена кои имаат треска треба да бидат хоспитализирани и да бидат подложени на тестови.
-
Досега немаше протокол во такви ситуации, па додека едно бебе беше оставено на опсервација, друго беше хоспитализирано со цел да се направат сите тестови со кои би можеле да се утврди евентуално присуство на бактерија
Ова вклучуваше инвазивни тестови, на пример, лумбална пункција, што е скапо и непријатно за детето и семејството, а во многу случаи се покажало како непотребно, пренесува „Пипл“.
Сега, благодарение на стандардизираните упатства, лекарите во случаи на треска над 38 Целзиусови степени или повеќе можат полесно да проценат дали детето треба да биде хоспитализирано или не. Упатствата вклучуваат специфичен сет на процедури и тестови, во зависност од тоа дали детето е старо од 8 до 21 ден, од 22 до 28 дена или од 29 до 60 дена.
„Од гледна точка на родителите, овие упатства се добри затоа што се засноваат на научни податоци собирани со децении кај новороденчиња со треска“, рече д-р Шон О’Лири, коавтор на објавените упатства за „Today“.
Совет до родителите: во случај на појава на треска кај новороденче, прво треба да го контактираат својот педијатар, кој откако ќе се запознае со состојбата, ќе одлучи за понатамошните чекори во третманот.
- Линк до упатствата објавени во „Pediatrics“ ТУКА
