Вакцинираните луѓе треба да продолжат да носат заштитни маски во јавност, бидејќи тие се уште можат да носат, а можеби и да шират исто толку вирус колку и невакцинираните луѓе без да бидат свесни за тоа, покажуваат податоците од новото американско истражување.
Научниците ја анализирале количината на вирусот, т.н. вирусно оптоварување, кај 869 пациенти во моментот на поставување на дијагнозата, вклучувајќи 632 кои биле асимптоматски, пренесува „Ројтерс“.
Повеќето инфекции биле предизвикани од многу заразната делта варијанта на коронавирусот.
„Не е во ред да се претпостави дека, бидејќи сте вакцинирани, не можете да се инфицирате и не можете да заразите некој друг, дури и ако сте асимптоматска личност“, рече Ричард Мишелмор од Универзитетот во Дејвис, Калифорнија
Истражувачите не нашле статистички значајни разлики во просечното вирусно оптоварување помеѓу вакцинирани и невакцинирани лица, или помеѓу оние со или без симптоми, или помеѓу различни возрасни групи, полови или типови на вакцини, според извештајот објавен на страницата medRxiv.
Истражувањето се уште не поминало рецензија.
„Нашата студија не дава информации за заразноста“, рече Ричард Мишелмор од Универзитетот во Дејвис, Калифорнија истакнувајќи дека на преносот на вирусот влијаат неколку фактори, не само статусот на вакцинација и вирусното оптоварување.
„Не е во ред да се претпостави дека, бидејќи сте вакцинирани, не можете да се инфицирате и не можете да заразите некој друг, дури и ако сте асимптоматска личност“, рече тој.
Вакцините против Ковид-19 ги намалуваат шансите за инфекција и ја намалуваат сериозноста на болеста.
Меѓутоа, луѓето вакцинирани против коронавирус и понатаму би требало да носат маски во јавност, бидејќи би можеле да заразат други ако се заразат и самите.
