Малкумина родители размислуваат за тоа колку е важно да се заштитат ушите на децата на концерти, спортски настани и разни фестивали. Американската академија за педијатрија објави соопштение во кое предупредува дека губењето на слухот започнува во детството, а изложеноста на овие типови звуци во подолг временски период може да предизвика неповратно оштетување на слухот.
Според соопштението, дури и уредите што емитираат бели шумови може да предизвикаат губење на слухот. Едно истражување анализирало 14 уреди за емитирање бел шум и утврдило дека „нивоата на звукот на три уреди ги надминуваат границите и би можело да дојде до оштетување на слухот доколку децата се изложени на звуците што ги емитуваат овие уреди повеќе од осум часа“. Се препорачува таквите уреди да се чуваат колку што е можно подалеку од деца.
„Изложеноста на позадинска бучава е уште еден виновник за губење на слухот“, се вели во соопштението на Американската академија за педијатрија.
Истражувањето покажало дека просечно дете е изложено на вклучен телевизор четири часа дневно. Покрај тоа што влијае на губењето на слухот, научниците утврдиле и дека „телевизорот што е вклучен во позадина ја попречува играта на малите деца дури и кога тие не му обрнуваат премногу внимание“.
Голем проблем се и сè попопуларните слушалки
Дури и одредени бучни играчки може да предизвикаат губење на слухот. Здружението за вид и слух препорачува прилагодување на контролите на јачината на звукот на играчките со намалување на јачината на звукот, ставање заштитна лента над звучниците, отстранување на батериите или враќање на играчките кои се премногу гласни.
Она што повеќето од нашите деца го користат секој ден се лични уреди за слушање музика, аудио книги или за учење на далечина.
„Многу помали деца користат слушалки за забава и/или учење на далечина. Многу производители тврдат дека ја ограничуваат јачината на слушалките на соодветно ниво на децибели, но некои слушалки можат да произведат доволно гласна јачина за да бидат опасни за слухот во само неколку минути. Иако многу слушалки имаат карактеристики за да се намали јачината на звукот, некои содржат недостатоци во дизајнот што им овозможуваат на децата да ги заобиколат“, предупредуваат родителите.
Малите деца се особено чувствителни на штетните ефекти на бучавата
Педијатарката Софи Ј. Балк нагласува дека бучавата не се препознава како опасност за јавното здравје, што резултира да многумина не сфаќаат дека одењето на гласна прослава, концерт или дури во ресторан може да биде штетно за здравјето.
„Слушниоѕ систем на доенчињата и децата се развиваат брзо, така што тие можат да бидат особено чувствителни на штетните ефекти на бучавата на овие настани“, вели таа.
Според лекарите, луѓето кои страдаат од губење на слухот често се повлекуваат од социјалните ситуации. Нелекуваното губење на слухот може да доведе до чувство на осаменост и социјална изолација. Слухот, исто така, влијае на говорните и вербалните јазични вештини и развој.
