Ана Малдонадо-Контрерас, микробиолог, која го предводеше истражувањето за влијанието на здравјето на цревата врз тешкиот и најлош исход на заболување од Ковид-19, објави статија во која го објаснува феноменот што го открила со група свои колеги.
Малдонадо-Контрерас објаснува дека секоја од микробите кои природно ги населуваат нашите организми, извршува специјализирана задача за да го одржи нашето тело здраво.
Покажавме дека со анализа на цревниот и оралниот микробиом може да се предвиди развој на сериозни респираторни симптоми на Ковид-19 кои доведуваат до смрт, со точност помеѓу 84 и 92 проценти. Покрај тоа, со комбинирање на симптоми, коморбидитети и цревна флора, нашиот модел достигна прецизност од 96 проценти, стои во заклучокот на студијата
Точност на предвидување на тежок Ковид-19 до 96%
„Во цревата, бактериите придонесуваат за соодветен имунолошки одговор на патогените микроорганизми. Овие бактерии осигуруваат имунолошкиот одговор да биде ефикасен, така што нема да биде толку бурен за да му нанесе штета на неговиот домаќин“, напиша таа.
Секоја од микробите кои природно ги населуваат нашите организми, извршува специјализирана задача за да го одржи нашето тело здраво
Таа додава дека ова не се однесува само на вирусите кои ги напаѓаат цревата, како што се норовирусот и ротавирусот, туку и на оние кои ги напаѓаат белите дробови, како што е случајот со вирусот на грип. Добрите цревни бактерии, рече таа, придонесуваат за производство на моќни антивирусни протеини во специјализираните имунолошки клетки на нашите организми. Следствено: организмот на една личност на која и недостасуваат такви добри бактерии, нема да има силен имунолошки одговор на нападот на вирус, што може да предизвика инфекцијата да помине незабележано по цена на здравјето.
Малдонадо-Контрерас се осврнува и на студија објавена на medRxiv во која пронашла силна поврзаност помеѓу рамнотежата на цревната, па дури и оралната флора, и развојот на тежок облик на Ковид-19, односно смрт од Ковид-19.
„Покажавме дека со анализа на цревниот и оралниот микробиом може да се предвиди развој на сериозни респираторни симптоми на Ковид-19 кои доведуваат до смрт, со точност помеѓу 84 и 92 проценти. Покрај тоа, со комбинирање на симптоми, коморбидитети и цревна флора, нашиот модел достигна прецизност од 96 проценти“, стои во заклучокот на студијата.
Во заклучоците, исто така, се наведува дека моделите што се користат при тријаж на пациентите со Ковид-19, а кои се базираат на коморбидитети, достигнуваат прецизност од 77 проценти во предвидување на тешкиот развој на болеста. Во истражувањето се наведува Enterococcus faecalis како патобионт кој претставува главен фактор на предвидување, со оглед на неговата присутност во цревата, за развој на тежок Ковид.
Со поздрава исхрана си ги зголемуваме шансите
Малдонадо-Контрерас е експерт за микробиологија и физиолошки системи на Медицинскиот факултет на Универзитетот во Масачусетс.
Таа објаснува дека нашите организми се населени со илјадници милијарди претежно корисни микроби – бактерии, вируси и габи – кои влијаат на нашиот имунолошки одговор на инфекција. Кога ќе се наруши рамнотежата помеѓу сите овие микроби, организмот ослабува.
Добрите цревни бактерии придонесуваат за производство на моќни антивирусни протеини во специјализираните имунолошки клетки на нашите организми
Односно, како што покажа истражувањето врз глувци, оние глувци кои примале пробиотици во храната биле многу поотпорни на различни видови на вируси сродни на грипот кај луѓето отколку што било случај со помалку среќните колеги – глодари во лабораторијата. Тоа исто така го применила и на состојбата на пациентите со хронични заболувања, потенцирајќи ги пациентите со дијабетес тип 2, со прекумерна тежина и оние со кардиоваскуларни заболувања.
„Тие покажуваат хиперактивен имунолошки систем кој не успева да препознае безопасни влијанија, што се поврзува со променет состав на цревната флора“, изјави научничката. „Кај овие хронични заболувања, на цревната флора и недостасуваат оние бактерии кои ги активираат имунолошките клетки кои го блокираат одговорот против безопасните бактерии во нашите црева.“
Таа рече дека таков феномен е забележан и кај бебиња родени со царски рез, кај луѓе кои слабо се хранат и кај постари лица. (Blue Zones)
