АстраЗенека, во соработка со Универзитетот Оксфорд, за само девет месеци произведе безбедна и ефикасна вакцина против Ковид-19. Но, по низата погрешни чекори, компанијата беше дочекана со критики од политичарите и здравствените работници, што го наруши нејзиниот имиџ на херој на пандемијата на коронавирус.
По низата погрешни чекори, компанијата беше дочекана со критики од политичарите и здравствените работници, што го наруши нејзиниот имиџ на херој на пандемијата на коронавирус
Прво, АстраЗенека за време на клиничките испитувања на некои испитаници погрешно им дала половина доза од вакцината, а подоцна изостави клучни информации за настанот.
Американските регулатори ја доведоа во прашање точноста на нејзините податоци за безбедноста и ефикасноста на вакцината, а сериозните доцнења во испораката во Европа резултираа со политички распад на односите со лидерите на ЕУ.
„АстраЗенека е компанија која не ги објавува сите информации, неа не можеме да и веруваме“, рече Филип Ламбертс, член на Европскиот парламент.
Поради неуспехот на АстраЗенека да испорача десетици милиони ветени дози на Европската унија, таа организација воведе ограничувања на извозот и веќе спречи барем една достава на вакцини во Австралија, пишува „Си-Ен-Ен“.
Различни податоци за ефикасноста на вакцините
Националниот институт за алергија и заразни болести на САД во почетокот на оваа недела изрази загриженост дека АстраЗенека презентирала „застарени“ податоци за испитувањето за ефикасност. Главниот американски експерт за инфективни болести Ентони Фаучи изјави дека се работи за грешка која може да ја намали довербата во инаку „многу добрата вакцина“.
АстраЗенека вчера објави ажурирани податоци, известувајќи дека тестовите покажале дека нејзината вакцина е 76% ефикасна во спречување на инфекција со Ковид-19. На почетокот на оваа недела, тие рекоа дека ефикасноста е 79%.
„Прават една грешка по друга“, рече Џефри Лазарус од Институтот за глобално здравје во Барселона.
Мало искуство со вакцини
АстраЗенека влезе во пандемијата на коронавирус со малку искуство со вакцини. Во последниве години, компанијата добивала голем дел од своите приходи од производството на познати лекови против рак. Кога дојде инвазијата на Ковид-19, компанијата одлучи да влезе во трката за што побрзо производство на вакцини.
АстраЗенека вчера објави ажурирани податоци, известувајќи дека тестовите покажале дека нејзината вакцина е 76% ефикасна во спречување на инфекција со Ковид-19. На почетокот на оваа недела, тие рекоа дека ефикасноста е 79%
„Мислам дека никогаш не планирале да бидат компанија која се занимава со вакцини. Влегоа во овој проект затоа што сакаа да му помогнат на човештвото и да се борат против чумата наречена Ковид-19“, рече Ендру Беренс, фармацевтски аналитичар во СВБ Леринк.
Трудот брзо се исплатеше, па Велика Британија и даде на АстраЗенека одобрување за итна употреба кон крајот на декември, што ЕУ го стори еден месец подоцна. Бидејќи вакцината беше поевтина од другите на пазарот и можеше да се чува на повисоки температури, многумина рекоа дека тоа е голем чекор во борбата против пандемијата.
- АстраЗенека изјави дека во знак на добра волја за време на пандемијата ќе ја доставува својата вакцина во земјите по цена колку што чини нејзиното производство, односно без профит
Но, наскоро почнаа да се појавуваат нови проблеми. Во јануари германскиот Комитет за вакцини соопшти дека вакцината на АстраЗенека не смее да се дава на лица над 65 години, повикувајќи се на недоволни податоци за таа возрасна група. Франција, првично, ја даваше оваа вакцина само на лица помлади од 65 години. Двете земји подоцна ја сменија таа одлука.
АстраЗенека навела дека податоците од нејзината клиничка студија покажуваат дека вакцината е исто така ефикасна и кај групата постара 65 години.
Националниот институт за алергија и заразни болести на САД во почетокот на оваа недела изрази загриженост дека АстраЗенека презентирала „застарени“ податоци за испитувањето за ефикасност. Главниот американски експерт за инфективни болести Ентони Фаучи изјави дека се работи за грешка која може да ја намали довербата во инаку „многу добрата вакцина“
Одложување на испораката
Да беше сè во ред со пратките со вакцини, Европа веројатно ќе ги игнорираше тие првични грешки. Но, континуираното одложување на испораката на дозите предизвика политичка криза во ЕУ. Лидерите на Европската унија одлучуваат за усвојување на предлозите на Европската комисија за уште построги контроли на извозот на вакцини, вклучително и АстраЗенека.
Работата дополнително се загреа откако неделава беа откриени 29 милиони дози вакцини на АстраЗенека за време на контролата на италијанската фабрика. Портпарол на компанијата негираше дека станува збор за скриени залихи, велејќи дека дозите се произведени надвор од Европската унија и се транспортирани во фабриката пред дистрибуцијата во Европа и земјите со среден и низок приход.
Потпретседателот на Европската комисија Валдис Домбровскис рече дека не може да коментира за потеклото или потенцијалната употреба на дозите откриени во Италија, но истакна дека производителот на лекови е „многу далеку од своите договорени обврски“.
Згрутчување на крвта
Компанијата беше погодена и од други проблеми, како што е сомнежот дека нивната вакцина предизвикува згрутчување на крвта, поради што повеќе од десетина европски земји престанаа да вакцинираат со АстраЗенека на почетокот на овој месец. Европската агенција за лекови (ЕМА) изврши итна ревизија минатата недела и повторно заклучи дека вакцината е безбедна за употреба.
Но, некои други настани, како што е наводното погрешно прикажување на податоците во неодамнешните истражувања на САД, несомнено ја нарушија репутацијата на компанијата, особено во споредба со другите производители на лекови кои на пазарот лансираа безбедни и ефикасни вакцини, но без константни скандали.
Рон Торосијан, извршен директор на ПР компанијата 5W, рече дека проблемите со АстраЗенека се појавуваат во време кога паѓа недовербата на граѓаните во властите и нивните одлуки во врска со мерките.
„Јавноста е сомничава уште од порано. Мислам дека на АстраЗенека во овој момент ќе и биде многу, многу тешко да го реши овој проблем“, додаде тој.
