Извор: Ројтерс
Мајка на три деца, Американка, е долгогодишна членка на антиваксерските онлајн групи – мала, но гласна глобална заедница која верува дека вакцините се опасни и одбиваат да се имунизираат себеси или своите деца.
Но, КОВИД-19 ги „тресе“ нејзините ставови. Жeната која сака да се идентификува себеси само како Стефани, стравувајќи од репресалии од посветените антиваксери, вели дека во моментот шансите да земе вакцина доколку се открие за респираторната болест предизвикана од новиот коронавирус се 50:50.
„Дефинитивно размислував за тоа“, изјави таа за „Ројтерс“ по телефон од САД, исто така искажувајќи ја фрустрацијата за тоа што антиваксер-заедницата ја минимизира сериозноста на пандемијата. „Сите сме погодени од овој вирус, затворање на училиштата, млади луѓе во болницата и тие се уште велат дека тоа е измама“.
Бидејќи светските научници и фармацевтски компании бараат лек за коронавирусот, други антиваксери се подготвуваат за борба против секоја потенцијална нова вакцина.
„Одбиј, демонстрирај“, рече еден Британец на Фејсбук како одговор на објавата во која се прашуваа луѓето како би реагирале доколку вакцината стане задолжителна.
Но, некои виролози велат дека потрагата по вакцина е толку широко поддржана што отпорот ќе биде уништен.
Најновите национални истражувања на анкетарот ORB International за Проектот за доверба на вакцината (VCP), кој ги следи ставовите за имунизација, се чини дека ја поддржуваат оваа идеја.
VCP води 18-месечна студија за следење на онлајн разговори за коронавирусот и спроведува глобални анкети за мерење на ставовите во однос на социјалното дистанцирање, изолација, миење на рацете и очекувања за вакцина. Од анализирањето на повеќе од 3 милиони постови во деновите помеѓу јануари и средината на март 2020, директорот д-р Хајди Ларсон изјави дека огромното мнозинство се желни за третман, брзо. „Луѓето се гладни за вакцина“, вели таа
Во Франција, каде анкетата за 2018 година покажа дека едно од три лица не ги смета вакцините за безбедни, сега само 18% би одбиле вакцина против коронавирус, според истражувањето на VCP на околу 1.000 луѓе, направено на 18 март, еден ден откако Франција се затвори.
Во Австралија, бројката на VCP беше 7%, додека Велика Британија, каде што беа анкетирани околу 2.000 луѓе, и Австрија, регистрираа 5% спротивставување на вакцината.
„Ако вакцината стане достапна утре, сите ќе побрзаат да ја примат“, рече Лорент-Хенри Вигнауд, кој е коавтор на „Историјата на француското антиваксерско движење“.
Тој став ја предизвика Мери Холанд, потпретседателка на американската непрофитна група „Children’s Health Defense“, која е критичар на вакцинирањето во САД.
„Не мислам дека овој вирус фундаментално ја менува длабоката загриженост на луѓето за вакцините“, изјави таа за „Ројтерс“.
Иако поимот „анти-вакцинација“ понекогаш е поврзан со теории на заговор, многу луѓе едноставно се загрижени за несаканите ефекти или етиката на индустријата.
На глобално ниво, едно лице од петмина не ги смета вакцините за безбедни или не е сигурно, според истражувањето за 2018 година од страна на здравствениот фонд „Wellcome Trust“.
Во Кина, од каде што потекнува болеста КОВИД-19 предизвикана од новиот коронавирус, истражувањата на VCP покажуваат дека безбедноста е важна причина за загриженост. Неколку скандали ја уништија довербата, вклучително и во 2018 година кога единица на производителот на вакцини во Кина „Changsheng Bio-technology Co Ltd“ беше казнета за фалсификување податоци за вакцината против беснило. Компанијата соопшти дека „длабоко жали“ за инцидентот.
Онлајн дискусиите кои ги следеше „Ројтерс“, вклучително и затворените страници на Фејсбук со повеќе од 200.000 членови, извори на Твитер, како и „Children’s Health Defense“ и видеа на Јутјуб со вкупно над 700.000 прегледи, покажаа значителна недоверба односно дека дека избрзаната вакцина ќе биде несоодветно, неправилно тестирана.
Директорката на VPC, Хајди Ларсон, рече дека тоа, исто така било и главната причина за загриженост околу вакцината против пандемијата на свински грип Х1Н1 во 2009 година.
Брзо произведената вакцина против свински грип во 1976 година доведе до тоа да еден од 100.000 луѓе развие синдром на Гилен-Баре, парализирачко нарушување на имунолошкиот систем, според Центарот за контрола и спречување на болести (CDC).
„Не мислам дека овој вирус фундаментално ја менува длабоката загриженост на луѓето за вакцините“, вели Мери Холанд, потпретседателка на американската непрофитна група „Children’s Health Defense“, која е критичар на вакцинирањето во САД
Околу 115 кандидати за вакцина против коронавирус се развиваат од страна на институтите и производителите на лекови, според „Coalition for Epidemic Preparedness Innovation“, глобална алијанса за финансирање и координирање на развојот на вакцините.
„Нема да дозволам да бидам инјектиран со ништо, особено не со набрзина направена вакцина“, додаде Американецот Вики Барнек (67), кој верува дека силниот имунолошки систем е доволен за борба против болеста.
Холанд, од „Children’s Health Defense“, вели: „Некои реагираат добро на вакцините, други се парализирани или убиени“.
Како и да е, труд од епидемиолозите на CDC од 2015 година вели: „повеќе студии и научни прегледи не открија поврзаност помеѓу вакцинацијата и смртните случаи, освен во ретки случаи“.
„ГЛАДНИ“ ЗА ВАКЦИНА
VCP води 18-месечна студија за следење на онлајн разговори за коронавирусот и спроведува глобални анкети за мерење на ставовите во однос на социјалното дистанцирање, изолација, миење на рацете и очекувања за вакцина.
Од анализирањето на повеќе од 3 милиони постови во деновите помеѓу јануари и средината на март 2020, директорот д-р Хајди Ларсон изјави дека огромното мнозинство се желни за третман, брзо.
„Луѓето се гладни за вакцина“, рече таа.
Во Италија, која беше лошо погодена од КОВИД-19, антиваксерското движење „практично исчезна виртуелно“ од дискусијата за коронавирусот, тврди вирологот д-р Роберто Буриони.
За вакцината против коронавирус да биде ефективна, најверојатно ќе треба да биде широко прифатена и да има годишна вакцинација, рече Џорџ Касианос, водач за имунизација на „Royal College of General Practitioners“ во Лондон.
Исто така, се поставува прашањето како да се дистрибуира доволно брзо на луѓето на кои им е најпотребна.
„Суштинските работници ќе бидат приоритет. Полициски службеници, болнички работници, чистачи. Потоа ризик-групите“, рече Даглас Л. Хач, лекар специјализиран за брза реакција на пандемија, кој работи на одговор на COVID-19 во Сан Франциско.
„До моментот додека да дојдете до антиваксерите, тие ќе имаат проблем да го сторат тоа дури и ако сакаат.“
