Имајќи ги предвид извештаите дека повеќе опоравени пациенти со COVID-19 доживуваат постојани симптоми, како што се замор, отежнато дишење и болки во зглобовите, некои и над 80 дена по првичниот почеток на симптомите, сметаме дека дисбиотичниот микробиом на цревата може да придонесе до здравствени проблеми поврзани со имунолошкиот систем после COVID-19“, пишуваат авторите во својот труд, објавен во журналот „Gut“
Цревниот микробиом на една личност може да игра улога во борбата против коронавирусната инфекција и спречувањето на сериозни симптоми на COVID-19, според новите студии.
Секоја личност има уникатен асортиман на бактерии во цревата кои играат различни улоги, вклучително и модулирање на имунолошкиот одговор.
Истражувањето на кинескиот Универзитет во Хонг Конг открило дека луѓето кои страдаат од COVID-19 имаат „сигнификантно изменет“ состав на микробиомот.
Одделно истражување од Јужна Кореја открива дека луѓето со слабо функционирање на цревата имаат поголема веројатност да развијат тежок облик на COVID-19 бидејќи недостатокот на здрави микроби го олеснува патот на вирусот до инфицирање на клетките во дигестивниот тракт.
Тимот од Хонг Конг испитувал крв, столица и досиеја на 100 болнички пациенти со COVID-19 помеѓу февруари и мај 2020 година, а 27 од овие пациенти исто така дале примероци за испитување и 30 дена по поминување на инфекцијата.
Покрај тоа истражувачите собрале и примероци од 78 лица без COVID-19 кои учествувале во студија за микробиом пред пандемијата.
Студијата заклучува дека микробиомот на цревата може да биде вклучен во „степенот на сериозноста на COVID-19, можно е преку модулирање на имунолошките одговори на домаќинот“.
Одделно истражување од Јужна Кореја открива дека луѓето со слабо функционирање на цревата имаат поголема веројатност да развијат тежок облик на COVID-19 бидејќи недостатокот на здрави микроби го олеснува патот на вирусот до инфицирање на клетките во дигестивниот тракт
Авторите откриле дека пациентите со COVID-19 имале исцрпени нивоа на неколку цревни бактерии, за кои се знае дека го модифицираат имунолошкиот одговор на една личност.
На пример, имало докази за покачени нивоа на некои бактерии, вклучувајќи Ruminococcus gnavus, Ruminococcus torques и Bacteroides dorei. Исто така, имало исцрпени нивоа на микроби, кои се познати дека му помагаат на имунолошкиот систем, вклучително и Faecalibacterium prausnitzii и Bifidobacterium bifidum.
Промените во бактерискиот состав траеле најмалку еден месец по чистењето на вирусот од организмот.
„Имајќи ги предвид извештаите дека повеќе опоравени пациенти со COVID-19 доживуваат постојани симптоми, како што се замор, отежнато дишење и болки во зглобовите, некои и над 80 дена по првичниот почеток на симптомите, сметаме дека дисбиотичниот микробиом на цревата може да придонесе до здравствени проблеми поврзани со имунолошкиот систем после COVID-19“, пишуваат авторите во својот труд, објавен во журналот „Gut“.
Примероците од крв откриле дека оваа микробна нерамнотежа е исто така поврзана и со повисоки нивоа на цитокини, мали молекули кои се природен дел од имунолошкиот одговор, но можат да предизвикаат штета доколку не се правилно регулирани. (Дејли мејл)
