Бебињата на девет месеци обожаваат да си играат со своите родители, но за нив играчки повеќе не се само плишаните животни и други тропкалки, туку се што ги опкружува, па често ќе се најдете во ситуација да велите НЕ.
Што сега прави?
До деветиот месец се развило помнењето кај бебето и свеста за тоа што е опкружување, па брзо распознава познати и непознати ситуации, и поради тоа и натаму останува недоверлива кон непознати лица.
Во овој период бебето сака да си игра со се што не е играчка, па родителите почесто ќе велат НЕ, од вообичаено. Со оглед дека ползат, и добро го познаваат секој агол на домот, тие добро се сеќаваат што каде стои.
Оние бебиња кои не почнале да ползат, наскоро ќе почнат, но во меѓувреме ќе се обидуваат и да станат држејќи се мебелот во домот.
Како комуницира?
Препознава имиња на некои луѓе, места и предмети и може да знае што значат одредени наредби, како “дај ми“ или “не“. Од сега па понатаму во секој момент би можело да го изговори првиот вистински збор, “тата“, “мама“. Не паничарете ако се уште не зборува, секое бебе се развива поинаку.
Како можете да му помогнете?
Обидете се да добиете одговор од бебето, постојано со него разговарајќи и повторувајќи му зборови. Пејте му, повторувајте зборови во рима и играјте си криенка. Тоа го обожаваат.
Прошетките и зборувањето на бебето од девет месеци и натаму се голема работа, па затоа поголем дел од времето минувајте го надвор, на воздух, каде бебето ќе види и запознае различни работи и ќе направи чудо за неговиот речник.
Играта со мама и тато е најголема забава, па потрудете барем еден час од времето да одвоите исклучиво за игра со бебето.
