БЕБЕШКИ СОН: Детално упатство за попладневно спиење

Колку сон му е потребно на моето бебе? Како најлесно да го успијам? Што ако бебето не сака да спие? На овие и на многу други прашања одговор дава тим од стручњаци од Мајо клиниката.

Секако дека нема ништо поубаво од бебе кое мирно спие, но за жал, тоа не е нешто што често се случува, особено во првите месеци од животот на новорoденчето.

Ова се одговорите на најчестите прашања поврзани со спиењето кај бебето, на лекарите од Мајо клиниката.


Колку сон му е потребно на бебето во текот на денот?

За новороденчето да воспостави рутина и правилен распоред на спиење, потребно е да помине некое време. За време на првиот месец, бебињата често се будат поради доење. Но, како растат должината на сонот се зголемува и станува предвидлива. На пример:

Од 4 до 12 месеци

По првите четири месеци, бебето ќе спие најмалку два пати дневно – еднашш наутро и еднаш рано попладне. На некои бебиња им е потребно и спиење и доцна попладне, а повеќето од нив спијат вкупно три или повеќе часа во текот на денот.

Над 12 месеци

На оваа возраст и во наредните месеци бебето веројатно нема повеќе да спие наутро, туку само попладне и тоа од два до три часа. При овој премин, најдобро е вечерното спиење на бебето да го поместите за половина час порано, за наутро да може да биде поодморно. Повеќето деца продолжуваат со попладневното спиење до 3 или 5 години. Имајте на ум, дека секое бебе е поинакво и дека распоредот на спиење може да се разликува.

Што ако бебето стане нервозно кога ќе го ставам во креветче?

За бебињата е вообичаено да плачат кога ќе ги ставите да спијат, но поголемиот дел се смируваат за пет минути. Ако плачењето таре подолго, обидете да го смирите и повторно вратете го во кревет. Доколку бебето се разбуди набрзо откако заспало, а причина за тоа не е ниту полната пелена, ниту дека е гладно, обидете да бидете трпеливи и оставете го само да се смири.

Имајте предвид дека бебињата главно се активни за време на сонот. Тие се мрдаат, и движат, па лесно тоа може да се сфати како будење. Наместо веднаш да го земете, почекајте неколку минути да видите дали ќе продолжи да спие.

Треба ли да се огранични должината на бебешкиот сон?

Тоа зависи од она како вашето бебе спиело во текот на ноќта. Некои бебиња не може да разликуваат денско од ноќно спиење. Тоагш е најдобро да го органичите спиењето во текот на денот, особено доцна попладне, што значи не повеќе од 3-4 часа секој ден. Ако преку ден спие премногу, може да се случи подоцна тешко да се успива и често да се буди во текот на ноќта.

Што да правам ако моето бебе одеднаш не сака да спие преку ден?

Некои бебиња и постари дева поминуваат низ периоди за време на кои одбиваат да спијат, иако тоа ии натаму им е потребно. Ако тоа се случи, обидете се да го нивелирате времето на спиење на детето.

Да му се помогне на детето да ја добие потребната количина дневен сон не е секогаш лесно. Нема потреба да се чувствувате лошо, ако некои денови се поголем предизвик од другите. Не заборавајте да ги препознаете знаците кои укажуваат дека бебето е уморно.