Ја знаете онаа ситуација кога го нишате бебе и тоа ги затворило очите. Вие во тој момент се опуштате и штотуку сте помислиле дека дојде моментот да го ставите во креветчето. Уште не сте ја завршиле мислата, а тоа ги отвора очите… Не се дава, никако. Да, бебињата се борат против сонот.
Повеќето деца ја имаат токму таа напнатост во себе – уморни се, а не сакаат да спијат. Како родител се чувствувате беспомошно затоа што не знаете што да правите. Меѓутоа, првиот чекор е да ги откриете можните причини зошто бебето не сака да заспие. Ако сте гисклучиле болести, глад и влажна пелена, тогаш е време да размислите за сите други фактори кои би можеле да бидат во игра.
Постојат неколку можни причини!
Детето е премногу уморно! Кога возрасен човек е премногу уморен, тој ќе легне и најверојатно веднаш ќе заспие. Бебињата не функционираат така. Имаат време во кое се подготвени да дремат, а ако тоа го пропуштите, ќе се преуморат, што ќе предизвика нервоза и раздразливост, па потешко ќе се смират. Проблем е и кога не се доволно исцрпени.
Понекогаш детето едноставно не е подготвено да спие бидејќи не е доволно уморно. Можеби спиело подолго од вообичаено во текот на денот или само расте и се развива, поради што се менува потребата за сон. Прекумерната стимулација може да биде причина, затоа избегнувајте екрани, гласна музика, играчки или возбудлива игра, бидејќи тоа може да ги преоптовари и раздразни децата пред спиење. Вознемиреноста од разделување е исто така честа причина бидејќи ако детето сака да го држите во раце, ќе му недостига вашата блискост и затоа нема да може да се смири за да заспие. Бебето почнува да развива деноноќен ритам на возраст од околу шест недели.
Овој деноноќен или циркадијален ритам е циклус на будност и спиење кој се менува со оглед на денот и ноќта. За жал, има голем број на одвлекувачи кои го нарушуваат овој природен ритам, а кај бебињата овој ритам штотуку се формира и често не е целосно регулиран.
Што да направите кога бебето се бори против сонот?
Воспоставете рутина пред спиење и бидете доследни. Затемнете ги светлата, пуштете релаксирачка музика, читајте книга или пејте приспивна песна за да го смирите и заспивате вашето бебе. Не ги пропуштајте знаците на поспаност затоа што ако бебето ги трие очите, зева, го цица палецот, ги влече ушите, нервозно е, раздразливо е, тогаш е уморно. Воспоставете дневно и ноќно однесување така што ќе си играте и комуницирате со бебето во текот на денот, а ноќе бидете посмирени и пред спиење намалете ја активноста на минимум. Вежбајте разделување така што ќе ја напуштите просторијата, но секогаш вратете се. Излезете од собата неколку секунди, а бебето полека ќе се навикне да не сте постојано со него, но и дека секогаш се враќате и дека сте присутни. Ако бебето престане да спие наутро, поместете го времето за ручек и воведено подолго спиење попладне.
