Тресење (штрекање) на бебето во сон, неправилно дишење и слични ситуации можат да ги вознемират новите родители. Меѓутоа, во повеќето случаи тоа е сосема нормална појава. Секако, бебињата можат да искусат сериозни проблеми, но ќе се изненадите кога ќе прочитате колку некои работи се безопасни.
- Тресење или мрдање (штрекање) во сон
Нервниот систем на бебето се уште не е во целост развиен и неговите движења додека спие може да изгледаат почудно отколку кога е будно. Но, и возрасните изгледаат слично додека заспиваат.
Лекарите не знаат зошто доаѓа до бенигнен миоклонус во сон, но забележале дека тој мое да предизбикан од бучава или допир. Истражувањата покажале дека таквите движења се безопасни.
Доколку забележите абнормално вртење со очите заедно со движења на телото, посетете лекар што е можно побрзо.
- Затнат нос
Затнатиот нос кај бебињата во нормални услови е предизвикан од хормонот естроген кој ги стимуира носните канали. Мајката на бебето му пренесува естроген уште додека е во матката и во текот на доењето.
Ваквата состојба престанува во рок од два месеци, без оглед дали го доите детето или е на адаптирано млеко. На шест месеци, кога носот на бебето доволно ќе се развие, затнатоста едвај и се забележува, ако таа воопшто постои.
Лекарска помош побарајте ако детето премногу ги шири ноздрите додека диши или ги вовлекува градите или стомакот. Ова се знаци на респираторно пореметување.
- Крв во плунката по доењето
Појавата на крв во плунката речиси никогаш не е загрижувачка кај бебе кое се однесува нормално. Главно се јавува поради гризење на брадавицата на мајката или настанала пала пукнатина во хранопроводникот при силно цицање.
Доколку детето повраќа поголема количина на крв, веднаш обратете се кај лекар.
- Кожа со портокалова боја
Ова е многу честа појава и се нарекува каротенемија. Предизивикана е од консумирање на поголема количина на зеленчук богат со бета каротен. Бебињата преферираат сладок вкус на храна богата со каротен,л како сладок компир и морков.
И намирници кои не се портокалови исто така може да имаат висок процент на бета каротен. Не се гледа во зеленчук како спанаќ и брокула, бидејќи е покриен од зелениот пигмент хлорофил.
До каротенемија, која не влијае на возрасните, доаѓа поради начинот на подготвување на детската храна. Гмечењето и пасирањето на храната ги „крши“ растителните влакна на начин на кој забите на возрасните не можат, така што повеќе каротен се апсорбира во цревата на бебето.
Стручњаците истакнуваат дека нема причина за загриженост, бидејќи портокаловата боја ќе исчезне како се менува исхраната на бебето.
- Неправилно дишење
Бебињата воглавно дишат побрзо од постарите деца, бидејќи белите дробови им се мали во однос на големината на телото. Но, научниците сметаат дека причината за неправилното дишење е таа што “сензорите“ кои примаат јаглерод диоксид не се целосно развиени кај новороденчињата.
Тоа значи дека бебињата понекогаш едноставно не знаат дека треба да дишат и застануваат се додека нивото на јаглероден диоксид не стане доволно висок да ги активира овие сензори.
Ако бебето има сина или сива боја околу устата или изгледа како да се мачи при дишењето, итно однесете го на лекар.
