Само неколку минути пред да враќањето дома од работа или патување, бебето цврсто заспива во седиштето во автомобилот. Изгледа толку спокојно што не сакате да го разбудите, а и свесни сте дека штом го извадите од седиштето, тоа ќе се разбуди. Во искушение сте, и не сте единствените, да го оставите да спие додека вие не го направите она што треба да го направите. Меѓутоа, сепак е потребно да го извадите бебето од седиштето и да го префрлите во креветчето, дури и ако се разбуди.
Ако бебето заспало во текот на прошетката во количка или заспало на креветот до вас во текот на доењето, оставете го само да се разбуди кога ќе му биде време. Но, кога станува збор за автомобилско седиште, тоа едноставно не е дизајнирано да се користат долг временски период надвор од автомобилот.
Зошто автомобилските седишта не се добри за спиење надвор од автомобилот?
Кога родителите ги ставаат своите бебиња на автомобилски седишта, тие им прицврстуваат ремен на пет точки, внимаваат ременот да им е на градите во правилна положба и ременот добро да држи. Правејќи го тоа, поставувајчи го притоа бебето во положба што ја одредил производителот врз основа на возраста на малечкото, родителите ги штитат доенчињата во текот на возењето од точка А до точка Б.
Со оглед дека автомобилските седишта се тестираат во возила, производителите можат да ја гарантираат безбедноста на бебињата и малите деца додека се во автомобилот. Проблемите со седиштето се јавуваат кога седиштето се вади од автомобилот и се користи за други цели од оние за кои било наменето, како што е спиењето на бебето во текот на возењето.
Само затоа што автомобилското седиште е побезбедно за спиење на бебето во автомобил, не е нужно дека е безбедно и за спиење надвор од возилото.
Според една студија од 2015 година во The Journal of Pediatrics, за релаксаторите, седиштата и носилките, што родителите ги користат за да им помогнат на своите бебиња да спијат, седиштата во автомобилот во просек имале висок ризик од гушење поради неправилно позиционирање или гушење со еден од ремените.
Студијата покажала и дека бебињата кои спијат на автомобилско седиште кога не се возат, најчесто се во несоодветна положба за нивната возраст повеќе од 2,5 часа. Според препораката на педијатрите, новороденчињата и доенчињата треба да спијат исклучиво на рамни површини, што им овозможува да лежат на грб, во положба која овозможува оптимален проток на воздух и го намалува ризикот од СИДС.
Проблемот со автомобилските седишта е што додека се во автомобилот, аголот под кој е поставено седиштето ја поддржува главата на бебето. Кога седиштето се вади од автомобилот, бебињата не можат самостојно да ја држат главата, а тогаш постои ризик од прекин на доводот на воздух.
