Просечната тежина на новороденчињата изнесува од 3 до 4 кг, должината е од 50 до 55 см, а обемот на главата е околу 35 см. Машкото дете е околу 200 грама потешко од женското дете. Се разбира, постојат исклучоци, па по девет месеци од бременоста, бебињата може да се родат и многу помали, или пак, да бидат натпросечно големи! Се повеќе се раѓаат деца со тежина поголема од 4 килограми, а постојат и случаи на бебиња кои по раѓањето тежат повеќе од пет килограми!
Лекарите посветуваат посебно внимание на децата на мајките кои имаат дијабетес бидејќи нивните деца спаѓаат во ризична група. Генерално се работи за покрупни деца со послаб имунитет и имаат нарушен метаболизам во организмот. Тие се повеќе склони кон рахитис, анемија, нарушувања на столицата и дебелина
Премалата или преголемата тежина кај бебето може да укажува на здравствени проблеми на мајката и/или детето. Но, притоа треба да се земе предвид и тежината на мајката. На пример, ако мајката тежи 45 кг и роди дете со тежина од 2,5 кг, тогаш тоа не е невообичаено. Истото важи и ако детето тежи 4,5 килограми, а неговата млада и здрава мајка е посилна, покрупна и има широка карлица.
Главниот проблем при раѓањето на крупно дете не е поврзан само со неговото поминување низ породилниот канал, туку и со можна траума за време на породувањето. За да се избегнат проблеми, плодот се проверува со ултразвук. На овој начин може да се измери дали големината на плодот одговара на големината на породилниот канал на жената. На ултразвучниот преглед околу 20-та недела се прави пелвиметрија – мерење на карлицата на мајката за да се утврди дали плодот е преголем за природно породување.
Вагинално породување нема да биде можно ако:
– главата на детето е поголема од внатрешниот дијаметар на карлицата на мајката,
– жената има исклучително тесна карлица или некои аномалии во структурата.
Во двата случаи постои опасност од породилна траума. Во овој случај, лекарот ќе предложи царски рез и ќе одреди кога треба да дојдете во болницата (обично малку порано од предвидениот термин).
Премалата или преголемата тежина кај бебето може да укажува на здравствени проблеми на мајката и/или детето
Можни причини за раѓање на покрупно дете:
- Ендокрини нарушувања, главно дијабетес;
- Различен Rh-фактор на мајката и плодот;
- Надносена бременост подолга од 42 недели;
- Прејадување и неурамнотежена исхрана;
- Наследни особини – во семејството и порано се раѓале големи деца;
- Второ, трето… породување: често се случува секое ново раѓање да носи покрупно бебе.
Во првите пет дена по раѓањето, сите новороденчиња губат една десетина од својата тежина пред да почнат да ставаат на тежина. Кај покрупните деца овој процес се одвива многу побрзо. Околу првата година се усогласуваат показателите за телесната маса и должина.
Лекарите посветуваат посебно внимание на децата на мајките кои имаат дијабетес бидејќи нивните деца спаѓаат во ризична група. Генерално се работи за покрупни деца со послаб имунитет и имаат нарушен метаболизам во организмот. Тие се повеќе склони кон рахитис, анемија, нарушувања на столицата и дебелина.
Основата на грижата за покрупно дете е „здравиот начин на живот“: масажа, вежби, долги прошетки и што е најважно – урамнотежена исхрана. Секако, најздраво е мајчиното млеко. Кога ги пресметувате калориите и одредувате колку треба да јаде детето, треба да се фокусирате на просечната тежина за возраста на детето, а не на неговата телесна маса, бидејќи е преголема.
