Американската компанија Модерна објави дека нејзината вакцина против коранвирусната болест е ефикасна 96% кај децата на возраст од 12 до 17 години, според резултатите од првите клинички испитувања.
Две третини од 3235 учесници во испитувањето во САД ја примиме вакцината, а една третина добиле плацебо.
Студијата “покажала ефикасност против КОВИД-19 од 96 проценти. Вакцината mRNA-1273 општо добро се поднесува, а досега не е воочено ништо сериозно што би отворило прашања околу безбедноста на вакцината“, соопштуваат од компанијата.
Во рамките на истражувањето откриено се 12 случаи на коронавирусна инфекција, 14 дена по првата доза. Резултатите се темелат на следење на испитаниците во просек 35 дена по втората доза вакцина.
Фармацевтската компанија вели дека несаканите ефекти биле “благи или со умерена тежина“, најчесто болки во местото на убодот. По втората доза нуспојавите вклучувале “главоболка, замор, болки во мускулите и треска“, слични на оние воочени кај возрасните кои примиле вакцина.
“Досега не се утврдени сериози причини за загриженост во поглед на безбедноста на вакцината“, се вели во соопштението.
Модрена наведува дека моменталное во “разговори со регулаторите во поглед на потенцијалните измени и дополнувања на своите регулаторни пријави“ за да се одобри вакцината за оваа возрасна категорија.
Во моментов вакцината е одобрена за лица над 18 годишна возраст.
Компанијата Фајзер веќе поднесе барање за одобрување на нивната вакцина за деца од 12 до 15 години во САД и во Европа. Во средата Канада стана првата држава која ја одобри вакцината на Фајзер за вакцинирање на оваа возрасна група.
