Епилепсијата предизвикува напади кои започнуваат во мозокот. Тоа е невролошка состојба која погодува речиси 3 милиони луѓе во САД, од кои 470.000 се на возраст под 17 години. Повеќето возрасни лица со епилепсија го доживеале својот прв напад во детството или адолесценцијата, пишува „Medical News Today“.
Родителите треба да реагираат доколку забележат дека нивните деца изгледаат отсутно во несоодветно време, среде играње, јадење или разговор, објаснуваат педијатрите. Исто така, периодите на брзо трепкање, зјапање во една точка или збунетост би можеле да укажуваат на напад. Ненадејното губење на мускулниот тонус, што предизвикува падови, е уште еден доказ. Од друга страна, кај бебињата, знаците кои укажуваат на епилепсија може да бидат многу суптилни
Според податоците на Светската здравствена организација, околу 50 милиони луѓе ширум светот имаат епилепсија, што ја прави една од најчестите невролошки заболувања на глобално ниво. Се проценува дека шест милиони луѓе во Европа боледуваат од епилепсија, а секоја година се дијагностицираат 300 илјади нови случаи на оваа болест.
Причините и симптомите на болеста се различни. Во детството, според зачестеноста, најчеста причина е породилната односно неонатална траума, а потоа следат нарушувања на развојот на крвните садови, вродени оштетувања, повреди на главата, инфекции и тумори. Во возрасна доба, најчести причини се мозочните удари, повреди на главата, интоксикација, односно прекумерно консумирање алкохол или дрога, како и тумори и инфекции.
Како да препознаете епилепсија кај децата?
Епилепсијата влијае на секое дете различно, а препознавањето на нападите може да биде предизвик, особено кај многу мали деца или деца кои не можат да му објаснат на својот лекар или родител што се случува. Препознавањето на нападите зависи од многу фактори, вклучувајќи ја возраста на детето и видот на епилепсија или напади што ги има. На пример, таканаречените задоцнети напади е многу лесно да се пропуштат, додека класичните е многу полесно да се идентификуваат.
Родителите треба да реагираат доколку забележат дека нивните деца изгледаат отсутно во несоодветно време, среде играње, јадење или разговор, објаснуваат педијатрите. Исто така, периодите на брзо трепкање, зјапање во една точка или збунетост би можеле да укажуваат на напад. Ненадејното губење на мускулниот тонус, што предизвикува падови, е уште еден доказ. Од друга страна, кај бебињата, знаците кои укажуваат на епилепсија може да бидат многу суптилни.
Повеќето возрасни лица со епилепсија го доживеале својот прв напад во детството или адолесценцијата, пишува „Medical News Today“
Родителите треба да побараат лекарска помош доколку нивното дете покажува:
- промени во шемите на дишење,
- необични изрази на лицето, како што се чудни движења на очните капаци или устата,
- невообичаени движења на мускулите, вклучително и грчење,
- епизоди на вкочанетост,
- загледаност,
- отсечни движења на рацете и нозете,
- вкочанетост на телото,
- губење на контрола на мочниот меур или дебелото црево,
- ненадејно губење на свеста без никаква причина,
- конфузија,
- ритмичко климање со главата кое е поврзано со губење на свеста.
За време на епилептичен напад, усните на детето може да станат сини и видливи се проблеми со дишењето. Во малку поретки случаи, може да дојде и до престанок на дишењето. По нападот, детето обично е многу поспано и збунето, а често има и силна главоболка.
Исто така, симптомите на напади може да бидат слични на знаци кои укажуваат на некои други здравствени состојби кај децата, поради што е неопходно да се посети лекар за поставување на точна дијагноза.
