Кога се јавуваат тантрумите, навидум без причина, веројатно им претходат на нешто поголемо, како болест. Болното дете има почести и посилни тантруми или изливи на бес и во таквите моменти треба да се остане благ кон себе и кон детето, да се намалат очекувањата и да му се даде на детето простор за свите емоции. Психологот Џесика Вандер-Виер советува како да се однесувате кога вашето болно дете има тантруми.
Не сфаќајте го тоа лично
Кога детето е болно и нервозно, најосновните постапки можат да станат комплицирани. Протестирањето на вашето дете нема врска со вас, тоа е негов начин да ви каже колку му е тешко во моментот и како не знае како да се справи со тоа.
Спуштете се на нивно ниво
Одвојте момент и спуштете се на нивното ниво. Погледнете ги во очи и кажете им дека гледате и разбирате дека во моментов им е тешко. Објаснете им дека можат слободно да плачат со вас ако се чувствуваат тажни.
Биди нежни и благи
Никој не сака да биде болен, а особено малите деца кои попрво би направиле се и сешто отколку да се борат со затнат нос и болно грло. Сега не е време да поставувате нови правила или да учите нови вештини. Оставете ги големите очекувања настрана и одмор и грижа за вашето дете нека бидат ваш приоритет.
Покажете им разбирање
Повторете му на детето неколку пати како го гледате и слушате и како разбирате дека му е тешко и без да го покаже тоа со неговото однесување. Дајте им дозвола за одмор, нека знаат дека сте свесни за хаосот што се случува во нивното тело и ум.
Границите сè уште важат
Кога децата се болни и понатаму им требаат граници за со нивното однесување да не им наштети на себе или на другите. Во оваа состојба ќе имаат помала можност да ги контролираат своите нагони, па веројатно ќе постои и поголема потреба за удирање. Кажете им дека ги сакате, разбирате, но дека не можете да дозволите такво однесување.
