Бремените жени заразени со Kовид-19 и нивните новороденчиња имаат поголем ризик од развој на компликации отколку што претходно беше познато, открива студија на британските научници.
Инфекцијата со новиот коронавирус кај новороденчињата е поврзана со тројно поголем ризик од здравствени компликации, тврдат научниците од Оксфорд
Студијата е спроведена на повеќе од 2.100 бремени жени во 18 земји, а секоја бремена жена со Ковид-19 е споредувана со две бремени жени кои не биле заразени и се породиле во истата болница и во исто време.
Инфекцијата со новиот коронавирус кај новороденчињата е поврзана со тројно поголем ризик од здравствени компликации, тврдат научниците од Оксфорд.
„Бремените жени заразени со Ковид-19 имале 50 проценти поголема веројатност од другите бремени жени да развијат компликации, вклучувајќи предвремено породување, висок крвен притисок со затајување на органите, потреба од интензивна нега или смрт“, рече професорот по фетална медицина Арис Папагеоргиу.
Меѓутоа се чини дека доењето не претставува ризик дека бебињата ќе се заразат од мајки кои имаат Ковид-19, рекоа научниците. (Хина)
