Бремените жени вообичаено не можат убаво да се наспијат, пред се поради неможноста за завземање добра позиција за спиење, особено во подоцните месеци од бременоста, како и поради честите станувања за во тоалет, појавата на грчеви во нозете и болки во грбот.
Ова се неколку совети кои може да помогнат убаво и квалитетно да се наспиете во бременоста.
- Не пијте кафе и кофеински напитоци, но ако сте од оние трудници кои не можат без нив, уживајте во нив наутро или претпладне.
- Не консумирајте поголема количина на храна непосредно пред легнување. Во текот на денот имајте пообилни оброци и пијте повеќе течности, но не и два часа пред заспивање.
- Обидете се да направите распоред на спиење, така што секој ден ќе легнувате во приближно исто време. Избегнувајте долги прошетки и напрегање непосредно пред легнување во кревет. Наместо тоа, најдобро е пред спиење да се истуширате.
- Погрижете се во организмот да внесувате доволно калциум кој ќе ги ублажи грчевите во нозете. Во консултација со својот гинеколог, практикувајте јога или слични вежби кои би можеле да ви помогнат да се опуштите.
