Продолжува развојот на постелката која обезбедува хранливи состојки, како и кислород за бебето, но и ги исфрла несаканите супстанци од организмот на бебето. Постелката сега ја превзема во целост гормонската функција на жолтото тело на јајчниците, што е од пресудно значење за одржување на бременоста.
Постелката вообичаено е со кружна форма и во време на терминот на породување, тежи околу 500 гр. Има две површини: една рапава од која тргнуваат хорионските ресички и се всадуваат длабоко во слузокожата на матката и друга страна која е мазна и е прекриена со тенка овбивка.
Таа обвивка продолжува да се шири од постелката обложувајќи ја цела внтарешност на матаката и создавајќи шуплина исполнета со течност во која се наоѓа фетусот. Обвивката се состои од амниони и хориони, кои се залепени. Од мазната страна на постелката минуваат крвните садови преку кои фетусот е поврзан со постелката и со мајката. Продолжува и обликувањето на лицето, особено носот и образите, а очните капаци се споени и ќе останат затворени речиси четири месеци. Сега јасно се разликува коскеното ткиво кое е веќе на своето место.
Бебето е долго од 6,5 до 7,8 сантиметри, а тешко од 15-30 грама.
Постепено се намалуваат и престануваат типичните тегоби карактеристични за раната бременост, особено утринските мачнини, повраќање, како и раздразливоста. Со завршување на фазата на ембриогенеза, во која ризикот од спонтан абортус изнесува околу 15%, како и со превземањето на многубројните функции на жолтото тело од страна на постелката, се стабилизира и дотокот на хормони на бременоста и воедно се намалува ризикот од спонтан прекин на бременоста, на 10%, кои остануваат константни до крајот на 28. недела.
