Напредувањето во растот на вашето бебе пред се значи пораст на масата на бебето и созревање на централниот нервен систем. Бебето во овој период покажува склоност кон користење на левата или десната рака. Почнуваат да се развиваат и линиите на врвовите на прстите, давајќи му на бебето единствен отисок.
Бебето веќе има навики и ритам на спиење. Отчукувањата може да ги чуе и таткото, ако го стави увото на вашиот стомак. Тестисите кај машкото бебе веќе се спуштени во скротумот, а матката добива своја шуплина. Разликите во полот се добро препознатливи.
Бебето е долго 30-34 сантиметри и тешко 600-700 грама.
Зачестеното мокрење се јавува веќе од самото изостанување на менструалниот циклус – како прв симптом на бременоста. Причина е притисокот на зголемената матка на бешиката, како ии хормоналните промени во бременоста. Тегобите се смируваат по 12. недела, кога матката се подига од малата карлица во стомакот. Доколку со зачестеното мокрење се јавува и чувство на пецкање и болка во стомакот постои можност да станува збор за инфекција на уринарните патишта.
Со оглед дека симптомите и знаците на инфекција на уринарните патишта често може да изостанат, пожелно е пред секоја контрола кај гинеколог да се направи и рутински преглед на урината.
