Оваа недела бебето тежи околу 900 грама, а долго е околу 36-37 сантиметри. Негова омилена активност веројатно е цицањето палец – на тој начин ги вежба мускулите на образите и на вилицата. Спие и се буди во правилни интервали, отвора и затвора очи. Мозокот на бебето е многу активен.
Оваа недела значи дека сте на крајот на вториот триместар. Движете се внимателно како би избегнале падови – поради зголемената телесна тежина вашето чувство за рамнотежа е малку пореметено. Подготвувајќи се за породувањето, лигаментите ви се опуштаат, па затоа може да се чувствувате малку нестабилно. Ова опуштање и поместување може и повремено да предизвика оштра болка во карличниот дел.
Вашето тело се подготвува за последниот круг. Заморот, веројатно се вратил, а сега може да забележите и нови симптоми. Покрај болката во грбот, можеби ќе почувствувате и грчеви во нозете. Вашата развиена матка притиска на вените кои ја враќаат крвта од нозете кон срцето, како и на нервите кои водат од вашиот стомак кон нозете. За жал, грчевите можат да станат поинтензивни како напредува бременоста. Почести се навечер, но може да се јават и во текот на денот.
Кога тоа ќе се случи, истегнете ги листови – исправете ги нозете, а потоа лесно придвижете ги ножните прсти напред – назад. Исто така, од помош ќе биде и прошетка и масажа на листовите.
