Во оваа недела, бебето тежи помеѓу 2000 и 2300 грама и е долго речиси 43 сантиметри. Телесната тежина и по раѓањето, ќе му помогне да ја регулира топлината на телото. Бебешката кожа е мазна. Централниот нервен систем се развива, како и белите дробови.
Вашето бебе сега се однесува речиси исто како новороденче – има свој ритам на будност и спиење. Се движи, слуша, сонува, чувствува, учи… Покажете му дека го сакате. Зборувајте му и галете го стомакот. Постелката веќе ја достигнала полната зрелост и во наредниот период ќе почне да старее. Доколку се плашите од предвремено породување, не грижете се, оти 99% од бебињата кои се раѓаат во овој период од бременоста, се сосема добри.
Во последните недели од бременоста, поради непроспиените ноќи, се повеќе чувствувате замор. Тешко ви е да најдете удобна положба за спиење, а сонот ви го прекинува и честото мокрење. Обидете се што е можно повеќе да се одморате, оти единствено така ќе имате енергија за породувањето и за деновите кои следат после тоа.
Можно е да стомакот, но веројатно и на бутовите и на задникот да забележите црвени флеки или точки кои чешаат. Оваа состојба ја имаат околу 1% од бремените жени и се нарекува полиморфна ерупција во бременоста. Безопасно е, но непријатно. Интензивното чешање по целото тело може да биде сигнал и дека постои проблем со црниот дроб, и од таа причина добро е да го посетите својот лекар.
