До оваа недела, ембрионот беше група на одреден број на клетки, но сега веќе почнува да собива свој облик. Почнува развојот на нервниот систем, органите за слушање, белите дробови, цревата, желудникот, црниот дроб, коскеното ткиво, мускулите, уринарниот систем, како и крвните садови и полните орагни. Кон крајот на оваа недела, ембрионот е долг околу два милиметри и секој ден двојно ја зголемува својата величина. Ембрионалниот диск поприма форма на цилиндар со шуплина во која се сместуваат органите. Истовремено, ембрионалниот диск се свиткува.
На едниот крај се појавува испапчување кое ќе стане глава, а на другата се формира мал опаш кој во најголем дел ќе исчезне и од него ќе преостане само коската над задникот.
Срцевата цевка веќе покажува движења и наскоро од неа ќе се создаде срце. Во оваа недела, домашните тестови за бременост веќе даваат позитивни резултати, бидејќи нивото bHCG (хорионски гонадотропин) е доволен да покаже.
Понекогаш жените истинктивно знаат дека се бремени. Најверојатно, причина за ваквото чувство е приливот на голема количина на женски полови хормони естроген и прогестерон, како и сосема нови хормони, како hPL – хуман плацентарен лактоген и hCG – хуман хорионски гонадотропин.
За време на 5. Недела од бременоста се јавуваат т.н. несигурни знаци на бременост. Тоа е пред се чувствителни и напнати дојки, како и изостанок на менструален циклус. Може да се јави и чувство на засилен замор, како и притисок во карлицата, проследен со зголемен нагон за мокрење.
