Ова се најплодните години за една жена. Месечните циклуси најчесто се редовни и повеќе од нив, ако не и сите, се со овулација. Жените меѓу 20 и 24 години во просек имаат околу 20% шанса да забременат секој месец доколку имаат однос без заштита.
Кога ќе дојде до оплодување, крвниот притисок мора да се проверува на секој контролен преглед, иако само мал процент жени на оваа возраст имаат ризик од зголемен крвен притисок.
Нови истражувања покажуваат дека жените на оваа возраст имаат само 50% ризик за развој на дијабетес во бременоста, од оној што го имаат жените со над 40 години.
Емотивна состојба
Како се чувствувате, во голема мера може да зависи од тоа како се подредени другите работи во вашиот живот. Некои жени, кои морале да го одложат вработувањето поради бременоста имаат отпор на почетокот на бременоста. Втора работа која ги мачи трудниците на оваа возраст е доживувањето на телото што секогаш е поголем проблем за помладите жени отколку за постарите. Исто така, жените на оваа возраст повеќе се поврзани за мажите и доаѓањето на трето лице во нивниот однос може да им создаде чувство на загрозеност.
Ризици за детето
Процентот за спонтан абортус во оваа возраст е 9,5%. Најнизок, кога станува збор за возраста. Бидејќи јајце клетките се релативно млади, детето има многу мали шанси да се роди со некој здравствен проблем, како Данунов синдром (1 на 1.667 ризици се кај жените на возраст од 20 до 24 годинни), или некои хромозомски абнормалности (1 на 525 жени на оваа возраст). Она што го нагласуваат лекарите е дека жените кои се бремени на оваа возраст, многу поретко прават тестови со кои може да се дијагностицираат евентуалните недостатоци кај фетусот.
