Бременост: Болки во грбот

Хормоните предизвикуваат поголемо опуштање на зглобовите од вообиачено и заедно со растењето на стомакот влијаат на рамнотежата на телото. За да ги олесните тегобите со болниот грб, спијте на страна со перница меѓу нозете, а товарот подигајте го правилно и носете ниски чевли. 

Повеќе од половина трудници чувствуваат болка во грбот во одреден стадиум на бременоста. Постојат две главни причини за појава на болки во грбот за време на бременоста. Во подготовката за породувањето, хормоните предизвикуваат опуштање на вашите зглобови од вообичаено, и тоа во комбинација со растењето на стомакот влијае на рамнотежата на телото.

Што можете да направите?

Прилагодете ја својата положба додека стоите за да ја надоместите промената во својот центар за рамнотежа.


Седете на стол со добра потпора за грбот. Проверете и дали колената ви се подигнати над колковите.


Спијте на грб и на тврд душек. Ставете перница меѓу нозете и под стомакот за да го потпрете грбот.

Товарот дигајте го правилно, така што нема да го напрегате грбот и ставете ги стапалата на растојание во ширина на рамената. Немојте да се свиткувате во половината, туку во колената. Кога дигате товар, оттурнете се на колковите и држете го грбот рамно. Кога носите ќеси, проверете дали тежината е рамномерно распоредена и ако носите намирници, товарот распоредете го две ќеси и носете по една во секоја рака. Ако носите мал ранец со прерамки, носете го на двете рамена.

Носете чевли со ниска пета.


Ставете загреано перниче на болните места. И масажата може да има поволен ефект за отстранување на болката.