Како што покажало истражување спроведено на Универзитетот Лајден во Холандија, бременоста предизвикува селективно намалување на сивата материја како мозокот на мајката адекватно реагира на бебето и тие промени траат со години. Истражувачите детално ја скенирале анатомијата на мозокот кај 25 жени кои ја планирале првата бременост, а им бил скениран и два месеци по породувањето.
Бременоста оставила толку големи промени на мозокот да истражувачите можеле да заклучат дали жената е бремена или не.
Жените кои се породиле имале помалку сива маса во одредени мозочни регии во однос на 20 жени кои никогаш не биле бремени. Овие промени биле видливи и две години по бременоста. Истражувањето покажало дека бременоста го менува мозокот на мајката и го прави поподготвен да одговори на предизвиците на мајчинството. Најмногу се намалуваат деловите на фронталниот и темпоралниот кортекс.
Според Елсин Хоекзем, коавтор на студијата, редукцијата на сивата маса не е нужно лоша работа и нешто слично се случува за време на адолесценцијата и е клучно за нормален когнитивен и емоционален развој. По овие тинејџерски години, бременоста може да се гледа како втора фаза на созревање на мозокот.
