♦♦♦♦♦♦♦
Американскиот центар за контрола и превенција на болести (CDC) тројно ја зголеми официјалната листа на симптоми на КОВИД-19.
До неодамна, федералната здравствена агенција регистрираше само три симптоми на вирусот на својата вебстраница: треска, кашлица и недостаток на воздух. Во изминатиов викенд CDC го прошири својот список за да вклучи уште неколку знаци на инфекција, меѓу кои и грозница, повторувачко тресење со грозница, болка во мускулите, главоболка, болки во грлото и губење на вкус или мирис.
Здравствените работници започнаа да алармираат на многу од новите симптоми, како што се губење на вкус и мирис, уште минатиот месец.
Во март, Американската академија за отоларингологија ја повика CDC да додаде аносмија – неможност за мирис – на нејзината листа на потенцијални знаци на коронавирус. Во тоа време, Светската здравствена организација (СЗО) соопшти дека ја испитува можната врска, но доказите беа прелиминарни. „Губењето на мирис или губењето на вкус е нешто кое го разгледуваме“, изјави Марија Ван Керкхов, технички водич на СЗО за КОВИД-19 пред новинарите на медиа брифинг на 23 март.
