Породувањето не е тешко само за мајката, туку и за бебето. Но, новороденчето не може да раскаже што доживеало во текот на раѓањето, ниту пак се сеќава на него подоцна во живото. Можеби така е подобро бидејчи, ако како возрасни се обидеме да го замислиме тој процес, не можеме да кажеме дека е лагодно некој да ве истиснува низ тесен родилен канал, да се борите за воздух кога излегувате, да ве удира ненадејна светлина со каква не сте се сретнале, а тоа се, кај нормално породување, тоа без компликации.
Дали бебето диши во текот на породувањето?
Трудовите предизвикуваат механички и физиолошки промени кои помагаат да се подготви бебето за првото вдишување воздух. Фетусот не добива кислород однадвор туку од мајката, преку постелката. Но, кога ќе се роди бебето и ќе се пресече папочната врвца, плацентата повеќе не може да ја врши својата работа, па белите дробови на бебето го преземаат дишењето. Во матката, белите дробови на фетусот се полни со течност што му помага да созреат.
По раѓањето, белите дробови на бебето исто така ќе почнат да примаат повеќе крв, додека во матката крвта ги заобиколува овие органи поради притисок. За време на породувањето, притисокот во белите дробови на бебето опаѓа и крвта почнува нормално да тече низ нив.
Дали му е студено на бебето?
Како бебе кое доаѓа од средина од 36,8 степени Целзиусови се прилагодува на температурата во родилната сала од 22 степени? Тироидната жлезда игра голема улога. При раѓањето, нивото на тироидните хормони кај бебињата е исклучително високо. Ова зголемување е предизвикано и од изложеноста на постудена средина и зголеменото ниво на адреналин. Зголемените нивоа на тироидните хормони произведуваат топлина од типот на масти наречен “кафеава“ маст и е неопходни за новороденчето да ја регулира температурата надвор од матката.
Дали чувствува болка?
Лекарите сега знаат дека новородените бебиња веројатно чувствуваат болка. Но, како точно се сеќаваат на породувањето, се уште е дискутабилно.
“Ако извршите медицинска процедура на бебе набрзо по раѓањето, тоа сигурно ќе почувствува болка“, вели докторот на науки Кристофер Е. Колби, директор на одделот за неонатологија во клиниката Мајо во Рочестер, Минесота.
“Значи, можно е бебето да чувствува болка додека минува низ родилниот канал, но никој не знае со сигурност. Ако кај бебето се појави болка, болка, некои експерти ја споредуваат со чувство на постепено стискање. Тешко е да се каже како се чувствува бебето“, вели докторот.
“Но, вашата болка и болката на вашето дете се сосема различни. Можно е неговата болка да е слична на чувството кога се обидуваме да се протуркаме низ тесен простор, нешто како чувство на компресија ако се обидете да се протнете е под ограда“, објаснува тој.
Што е со царскиот рез?
Како искуството на роденото бебе со царски рез се разликува од искуството на вагинално родено бебе? Прво, бебето, кое не излегло низ родилниот канал, најверојатно ќе се роди со тркалезна глава.
Друга клучна разлика: дишењето на бебето по породување со царски рез може да биде побрзо и поплитко од бебе родено вагинално. Тоа е затоа што контракциите на мајчината утроба за време на породувањето, како и компресијата на сопствениот граден кош во родилниот канал, помагаат да се исфрли течноста од белите дробови. Бебето родено со царски рез може да има минлива тахипнеа или “влажни бели дробови“ и може да диши побрзо и потешко додека течноста не се апсорбира. Добра вест е дека проблемот обично се решава сам по себе во рок од 24 до 48 часа.
