Д-р Дејвид Хепберн работи на Одделот за интензивна нега во „Royal Gwent Hospital“ во Велс и е во првите борбени редови кога станува збор за третман на сериозно болни пациенти од коронавирус. Освен што е интензивец, тој и самиот бил пациент заболен со Ковид-19, откако се заразил со коронавирус од својот колега.
Д-р Хепберн ја победил болеста и се вратил на своите работни обврски во болницата, каде што го пронајде екипата на „Канал 4“ од Велика Британија, која му постави едноставно прашање поврзано со коронавирусот: Како некој може да умре откако ќе се зарази со коронавирус?
Неговиот одговор ви го пренесуваме во целост, со предупредување дека е брутално детален и предизвикува чувство на мачнина во стомакот.
Ако може да замислите дека вашите бели дробови нормално се како еден фин, убав сунѓер – лесен и едноставен за движење. Ако некогаш сте извадиле сунѓер од кофа полна со вода, тогаш знаете колку може да биде тежок и влажен. Тоа е точно истата работа – ако вашите бели дробови се апсолутно натопени, тогаш е многу, многу тешко да се дише
„Она што го знаеме пред сè е дека коронавирусот предизвикува респираторно пропаѓање. Кога ќе се прошири во белите дробови, предизвикува она што го нарекуваме пневмонија, каде што белите дробови стануваат многу влажни и полни со вода. Така, нормалните механизми кои ја задржуваат течноста во крвта се распаѓаат. Малите мембрани и ткива и основите на белите дробови стануваат порозни, и тоа овозможува пропуштање на течноста од циркулацијата во белите дробови, речиси како давење.
„Една од работите што ја обезбедуваме со респираторите е притисокот, што турка дел од таа течност надвор и помага да ги задржиме белите дробови отворени. Значи… луѓето стануваат исцрпени затоа што работата на дишењето е толку голема што тие во основа се исцрпуваат и умираат.
„Ако може да замислите дека вашите бели дробови нормално се како еден фин, убав сунѓер – лесен и едноставен за движење. Ако некогаш сте извадиле сунѓер од кофа полна со вода, тогаш знаете колку може да биде тежок и влажен. Тоа е точно истата работа – ако вашите бели дробови се апсолутно натопени, тогаш е многу, многу тешко да се дише.
Она што го знаеме, пред сè, е дека коронавирусот предизвикува респираторно пропаѓање. Кога ќе се прошири во белите дробови, предизвикува она што го нарекуваме пневмонија, белите дробови стануваат многу влажни и полни со вода. Така, нормалните механизми кои ја задржуваат течноста во крвта се распаѓаат. Малите мембрани и ткива и основите на белите дробови стануваат порозни, и тоа овозможува пропуштање на течноста од циркулацијата во белите дробови, речиси како давење
„Она што се случува со тек на времето е пад на нивото на кислородот на луѓето, додека нивото на јаглерод диоксид, што е гас кој обично се издишува, се зголемува, расте во крвта. Тоа ве прави уште попоспани – има наркотичен ефект. И, тогаш луѓето полека ќе развијат влошено респираторно пропаѓање, и евентуално на крајот ќе станат несвесни и нивното дишење ќе стане се поплитко и тие ќе умрат“.
Д-р Хепберн објаснува дека така изгледа смртта без интервенција – ако се стави пациентот на респиратор, тогаш се надеваме дека би можела да се избегне бавна, болна смрт. Проблемот, како што коронавирусот се шири низ целиот свет, е пристапот до респираторите.
Проблемот, како што коронавирусот се шири низ целиот свет, е пристапот до респираторите
Докторот објаснува дека ова не е единствената причина за смрт кај пациенти кои страдаат од коронавирус, тој исто така видел пациентите кои умираат од „мулти-органско откажување“, бидејќи бубрезите, белите дробови, црниот дроб, па дури и циркулацијата прогресивно откажуваат.
„Ние, исто така, сме виделе и пациенти кои развиваат нешто што се вика миокардитис. Честопати кога почнуваат да се опоравуваат, срцето може да стане многу неповолно погодено и да дојде до негово откажување. Ова е веројатно водечката причина за смрт кај пациенти со КОВИД-19 кои досега сме ги виделе“, открива тој.
„Канал 4“ кога го објави видеото од интервјуто со д-р Хепберн напиша: „Ако овој опис за тоа како изгледа да се умре од коронавирус, не ве натера да останете дома, ништо нема.“
Д-р Хепберн кој нема само искуство во лекување на коронавирус како лекар, туку исто така, бил и пациент, откако се заразил со коронавирус од својот колега, сега е здрав, но вели дека болеста буквално го „збришала“: „Не можам да ви објаснам колку болни може да ве направи ова“, додава докторот на крајот од интервјуто.
Извор: News.com.au
