ПИШУВА:
Д-р Кристинка Пајаковска
специјалист гинеколог-акушер
♦♦♦♦♦♦♦
Сублимирани податоци од релевантни светски здруженија за употреба на вакцина против Ковид-19 кај пациентки што планираат бременост, оние кои се бремени или дојат (II дел)
Што знаеме за безбедноста на вакцините против Ковид-19 кај бремените жени
Ниту една од вакцините не користи жив вирус што предизвикува Ковид-19 кај вакцинираните. Вакцините не влијаат на гените или ДНК.
Во ниту едно од клиничките испитувањата за вакцини не беа вклучени бремени жени заради потребата од брзо одобрување на истите за масовна употреба, така што нашето директно знаење во моментов е ограничено. Некои учесници во текот на испитувањето ненамерно забремениле и ја примиле вакцината.
Имунитетот што се создава кај бремената жена по вакцинацијата може да ја премине плацентата, а со тоа го заштитува и новороденото
Центарот за контрола и превенција на болести (CDC) следи повеќе од 30.000 жени кои биле бремени за време на вакцинацијата. Досега, се чини дека бремените жени ги имаат истите несакани симптоми од вакцината како небремените жени. Не се пријавени спонтани абортуси, мртвородени деца, вродени дефекти на плодот или предвремено породување поврзани со вакцините. Имунитетот што се создава кај бремената жена по вакцинацијата може да ја премине плацентата, а со тоа го заштитува и новороденото.
Кои се несакани ефекти од вакцините?
Како можен несакан ефект на вакцините против Ковид-19 е болка на местото на апликација, симптоми слични на лесна настинка, температура, која генерално не е висока, трае ден до два и може да се лекува со парацетамол, кој пак е безбеден во бременост.
Како можен несакан ефект на вакцините против Ковид-19 е болка на местото на апликација, симптоми слични на лесна настинка, температура, која генерално не е висока, трае ден до два и може да се лекува со парацетамол, кој пак е безбеден во бременост
Ако имам позитивен тест за вирусот што предизвикува Ковид-19, може ли да го дојам бебето?
Во моментов, постојат исклучително ограничени докази дека вирусот може да биде присутен во мајчиното млеко и нема докази дека тој се пренесува преку мајчиното млеко. Со оглед на начинот на ширење на вирусот, Американскиот колеџ за акушери и гинеколози (ACOG) советува дека мајките со Ковид-19 можат безбедно да ги дојат своите бебиња. Се советува внимателно и постојано миење на раце и носење на заштитна маска, со што се намалува ризикот на изложеност на доенчињата на вирусот. Друга опција е здравиот старател да го храни бебето со измолзено мајчино млеко и задолжителна хигиена на пумпите за измолзување.
Дали може да се вакцинирам против Ковид-19 ако дојам?
Да, се препорачува жените кои дојат да се вакцинираат против Ковид-19. Нема потреба да се престане со доењето ако се вакцинираат. По вакцинацијата антителата може да се пренесат преку мајчиното млеко и да помогнат во заштитата на доенчето од вирусот.
Со оглед на начинот на ширење на вирусот, Американскиот колеџ за акушери и гинеколози (ACOG) советува дека мајките со Ковид-19 можат безбедно да ги дојат своите бебиња. Се советува внимателно и постојано миење на раце и носење на заштитна маска, со што се намалува ризикот на изложеност на доенчињата на вирусот. Друга опција е здравиот старател да го храни бебето со измолзено мајчино млеко и задолжителна хигиена на пумпите за измолзување
Во тек се понатамошни студии на волонтери од вакцини кои се бремени, или треба да започнат наскоро.
Фајзер и Бионтек започнаа меѓународна студија со 4.000 бремени волонтерки за да се процени безбедноста и ефективноста на нивната вакцина против Ковид-19 кај здрави бремени жени. Новата студија ќе тестира бремени жени на возраст од 18 години и повеќе во САД, Канада, Аргентина, Бразил, Чиле, Мозамбик, Јужна Африка, Велика Британија и Шпанија. Бремените ќе ја примаат вакцината во текот на 24-34 недели од бременоста, добивајќи две дози со разлика од 21 ден.
Како заклучок: Студиите покажуваат дека сите вакцини кои во моментот се одобрени се исклучително ефикасни во намалувањето на ризикот од тешки болести, хоспитализации и смртни случаи од Ковид-19. Тие исто така помагаат да се намали ризикот од умерено заболување.
