ПИШУВА:
Д-р Кристинка Пајаковска
специјалист гинеколог-акушер
♦♦♦♦♦♦♦
Сублимирани податоци од релевантни светски здруженија за употреба на вакцина против Ковид-19 кај пациентки што планираат бременост, оние кои се бремени или дојат (I дел)
Денес, кога вакцините против Ковид-19 масовно се употребуваат во целиот свет и кај нас, бремените жени и тие кои планираат идна бременост – имаат многу прашања во врска со ризиците и придобивките од нив.
Вакцинирањето е личен избор. Центарот за контрола и превенција на болести (CDC), Американскиот колеџ за акушери и гинеколози (ACOG) и Здружението за фето-матернална медицина (SMFM) се единствени дека која било од моментално одобрените вакцини против Ковид-19 се безбедни за бремените жени, оние кои планираат бременост наскоро или во иднина и тие коишто дојат. Кралскиот колеџ за акушери и гинеколози (RCOG) и Светската здравствена организација (WHO) препорачуваат вакцините да се препорачуваат на бремени жени кои имаат коморбидитети или зголемен ризик од изложеност на вирусот, особено бремени здравствени работници. Исто така препорачуваат вакцината да се прими по полни 12 недели од бременост, односно по завршената органогенеза.
Иако реалниот ризик од тешка болест и смрт кај бремени жени е многу низок, тој е поголем споредено со небремени жени од иста возрасна група. Оние кои се бремени имаат поголем ризик да бидат хоспитализирани и да имаат потреба од интезивна нега, кислородна поддршка особено ако се во трет триместар од бременоста
Вакцинацијата не предизвикува инфертилитет и не бара да се одложи планираната бременост. Ако пациентката остане бремена по првата примена доза, треба да ја прими и втората доза без одложување. Овие информации и одговори се моментални и постојано се развиваат и трпат промени. Секој гинеколог-акушер треба да се советува со своите пациенти за придобивките и ризиците, базирани врз личните здравствени ризици, изложеност на вирус што предизвикува Ковид-19 и минатите заболувања на бремената жена или доилката.
Што знаеме за тоа како Ковид-19 влијае на бремените жени
Ковид-19 е потенцијално опасен за сите луѓе. Потенцијаниот ризик за инфекција кај бремените жени не е поголем во споредба со тие што не се бремени. Но, иако реалниот ризик од тешка болест и смрт кај бремени жени е многу низок, тој е поголем споредено со небремени жени од иста возрасна група. Оние кои се бремени имаат поголем ризик да бидат хоспитализирани и да имаат потреба од интезивна нега, кислородна поддршка особено ако се во трет триместар од бременоста.
Последните објавени студии од 05.03.2021 на SMFM покажаа дека бременоста е поврзана со 3 пати зголемен ризик за прием во единица за интезивна нега, 2,4 пати зголемен ризик за потреба од кислородна поддршка и 1,7 пати зголемен ризик од смрт од Ковид-19. Бремените со придружни заболувања (индекс на телесна маса повисок од 35 кг/м2, дијабетес и срцеви нарушувања) и повозрасни се чини дека имаат особено зголемен ризик од компликации кај мајката.
Една студија на CDC од септември 2020 год. покажува дека од скоро 600 хоспитализирани бремени жени со Ковид-19 кај 12,6% имало предвремено породување, што е повисоко отколку што се очекува кај бремени жени од општата популација
Покрај бременоста, други коморбидитети што CDC ги идентификува како зголемување на ризикот за сериозно заболување од инфекција со SARS-CoV-2 кај бремените жени се: рак, хронично заболување на бубрезите, хронично опструктивно белодробно заболување, срцеви заболувања, имунокомпромитирана состојба од трансплантација на орган и пушење.
Истражувањата сугерираат дека Ковид-19 може да го зголеми ризикот за предвремено породување, особено за оние со тешка болест. Досега, студиите не идентификувале никакви вродени дефекти на плодот поврзани со Ковид-19, ни пренесување на инфекција од мајка на бебе интраутерино. Една студија на CDC од септември 2020 год. покажува дека од скоро 600 хоспитализирани бремени жени со Ковид-19 кај 12,6% имало предвремено породување, што е повисоко отколку што се очекува кај бремени жени од општата популација.
(ПРОДОЛЖУВА СО: Што знаеме за безбедноста на вакцините против Ковид-19 кај бремените жени, несакани ефекти, вакцинирање за време на доење)
