ПИШУВА:
Д-р Маќули Хаџи-Лега
специјалист по гинекологија и акушерство
♦♦♦♦♦♦♦
Прв циклус после породување
Кога зборуваме на тема прв циклус по породување постојат различни варијанти. Жена којашто е породена спонтано и дои, во просек ја добива првата менструација 3-4 месеци по породувањето. Доколку не дои може да го добие првиот циклус и два месеца по породувањето – поминува т.н. период на леунство од 40 дена, кај жената ако не дои хормоните се нормализираат и се влегува во нормални менструални циклуси.
Доењето ги зголемува вредностите на пролактинот и тоа спречува рано добивање на циклусот, па затоа просечно менструацијата се добива 3-4 месеци по породувањето, иако има и жени кои не добиваат циклус и една година по породувањето. Нема место за стравување и плашење доколку дојат, а доколку не дојат, ќе добијат за два месеца бидејќи нема нарушување на хормоналниот баланс.
Доењето ги зголемува вредностите на пролактинот и тоа спречува рано добивање на циклусот, па затоа просечно менструацијата се добива 3-4 месеци по породувањето, иако има и жени кои не добиваат циклус и една година по породувањето
Прв преглед по породувањето
Секоја жена после 40 дена од породувањето или најдоцна два месеци после породувањето, треба да посети гинеколог каде што ќе се прегледа. Доколу е со царски рез ќе се види раната, ако е спонтано породувањето и има епизиотомија, се прегледува како е зарасната, а нормално се прави и ултразвучен преглед.
Ако поминат пет – шест месеци без циклус се оди на уште еден преглед бидејќи многу жени во тој период не знаејќи останале бремени, па ќе дојдат во 4-5 месец на бременост без воопшто да знаат дека се бремени. Доколку жената нема циклус 4-5 месеци после породувањето апсолутно треба да посети гинеколог и да се види за што се работи, тоа секако не значи дека има некоја патологија, но сепак, треба да се провери за што станува збор.
Може да се забремени и пред првата менструација по породувањето
Она што треба да се знае е дека иако првата менструација се уште не се појавила, тоа не значи дека не можете повторно да останете бремени краток период после породувањето. Јајникот ќе ја ослободи првата зрела јајна клетка пред појавата на првата менструација со што ќе започне процесот на овулација за време на кој жената може да остане бремена и пред враќање на циклусот. Исто така, менструалниот циклус може да биде нередовен во првите месеци што ќе го отежне следењето на процесот на овулација.
Доколку жената планира нова бременост препорачливо е да поминат најмалку две години од последното породување. Тоа е период на опоравување на мајката од претходната бременост
Кога е жената подготвена за нова бременост?
Доколку жената планира нова бременост препорачливо е да поминат најмалку две години од последното породување. Тоа е период на опоравување на мајката. Препораките порано доколку жената е породена со царски рез, беа да се почека исто така две години, ако не е со царски рез, може и порано, но сега и таа граница е симната, може да се планира бременост и после една година.
Меѓутоа главно препораките се најмалку две години, за да има еден период мајката да се опорави од претходната бременост. Сепак, се троши организмот и мајката апсолутно треба да ги наполни батериите – минимум две години после породувањето да не останува бремена.
ПОВЕЌЕ ОД ИСТИОР АВТОР, Д-Р МАЌУЛИ ХАЏИ-ЛЕГА:
