Д-р Ранко Рајовиќ предупредува дека секоја нова генерација е се послаба и се соочува со поголеми проблеми. Како пример го наведува фактот што годинава 4.000 деца во Хрватска не биле примени во прво одделение.
„Тоа се десет проценти од генерацијата. Ова трае десет до петнаесет години, а телефоните, односно екраните не се единствениот проблем“, рече д-р Рајовиќ во ТВ гостување, пренесува „Зелена учионица“.
Сега средината се менува со неверојатна брзина, а нашите деца се подложни на различни влијанија многу рано. На нив повеќе влијаат социјалните мрежи отколку родителите. Затоа родителите треба да се едуцираат за да може да се справат со сето ова
Како други фактори кои го забавуваат развојот на децата, тој ги наведува храната и прекумерното заштитување.
„Нашата храна е преполна со микропластика. Толку многу ја загадивме планетата што микропластиката може да влијае на формирањето на мозокот на фетусот. Исто така, во храната има токсини и тешки метали. Треба да разговараме малку повеќе за тоа како жените да се хранат здраво барем за време на бременоста“, објаснува д-р Рајовиќ.
Тој ги советува современите родители да се едуцираат бидејќи денешниот свет се менува со неверојатна брзина.
„Многумина велат дека нашите родители можеле да ги воспитуваат децата без образование и психолози. Тоа е точно, но забораваат дека тоа било можно бидејќи околината не се менувала. Сега средината се менува со неверојатна брзина, а нашите деца се подложни на различни влијанија многу рано. На нив повеќе влијаат социјалните мрежи отколку родителите. Затоа родителите треба да се едуцираат за да може да се справат со сето ова“, заклучува тој.
