Една од работите што јавноста навистина треба да ја разбере е дека можноста за забрзување, цитирам: „забрзување на процесот“ овде нема никаква врска со скратување или менување или фаќање на пократки патишта со многу внимателните евалуации за безбедност и ефикасност. Делот што можеше да се забрза беше поради технологијата на овие две вакцини и можноста да се развие вакцината со парче од гласник РНК, наместо со некои други методи што ги користевме повеќе од 50 години, што одземаат многу, многу време за да стигнете до моментот кога ќе можете да ја ставите вакцината на човечко испитување
Дали е безбедно за децата да се вакцинираат против COVID-19? Ние сè уште всушност не знаеме, но истражувачите се обидуваат да го дознаат тоа. Д-Р РОБЕРТА ДЕБИЈАСИ, шефица на Одделот за педијатриски заразни болести во Детската национална болница во Вашингтон, вели дека постои причина што сè уште не знаеме како овие вакцини влијаат врз децата.
Д-Р ДЕБИЈАСИ: Тоа произлегува од фактот што секогаш прво се фокусираме на возрасните, и тоа е соодветно во случајот на COVID поради сериозноста на болеста кај возрасните. Но, болеста влијае и на децата, и затоа, исто така треба да мислиме и за вакцините кај децата. Но, како и кај сите вакцини, ние секогаш сакаме најпрво да ги направиме нашите првични студии за ефикасност и безбедност кај возрасната популација, особено за оваа болест каде што таа група на луѓе е најпогодена со хоспитализации, тешки инфекции и смрт.
Значи, децата не се дел од испитувањата на почетокот. Дали тоа генерално се случува?
Д-Р ДЕБИЈАСИ: Генерално е така, започнуваме со возрасни и потоа кога ќе ги добиеме податоците за безбедност и ефикасност, постепено ќе ги преместуваме кај помладите возрасни групи. Што се однесува до вакцината на „Фајзер“, тие вклучија деца од 16-годишна возраст во тој првичен сет на податоци што ги видовме. Всушност, тие од октомври запишувале деца на возраст од 12 години. Па дури имаше, знаете, неколку стотици деца за кои имавме некои мали прелиминарни податоци за да го разгледаме тој производ. За вакцината на „Модерна“, тие сега почнуваат со испитувања на група на поединци од 12 до 17 години, а и во таа студија ќе имаат над 3.000 деца.
Она што родителите треба да го знаат е дека огромно мнозинство на деца ќе поминат добро, дури и ако се заразат со COVID. Само 3% од сите хоспитализации во САД отпаѓаат на децата. Значи, знаете, ако земеме кое било дете, шансите се многу добри за нив дека ќе имаат лесна болест и ако бидат хоспитализирани, ќе преживеат. А вакцината е навистина важна за нас сега за прво да ја заштитиме нашата најранлива популација, а тоа се здравствените работници, есенцијалните работници од првите редови, нашите постари и нашите наставници и оние кои комуницираат со деца. И на крајот, со соодветни студии за безбедност што се прават и студии за ефикасност кај децата, исто така ќе имаме и безбедна и ефикасна вакцина и за нашите деца
И, колку долго би рекле дека ќе биде пред да знаеме дали овие две вакцини се безбедни за децата?
Д-Р ДЕБИЈАСИ: Се надевам дека можеби до јануари или февруари би требало да почнеме да гледаме како излегуваат некои од податоците.
Нормално, со нови вакцини, треба подолго време за да се проучат несаканите ефекти и како тие можат да се разликуваат кај децата во споредба со возрасните. Дали сте убедени дека ова се работи добро, дали се дава доволно време за да се утврди дали оваа вакцина може или не може да влијае врз децата поинаку отколку кај возрасните?
Д-Р ДЕБИЈАСИ: Да, јас сум многу убедена во тоа. Мислам дека, знаете, една од работите што јавноста навистина треба да ја разбере е дека можноста за забрзување, цитирам: „забрзување на процесот“ овде нема никаква врска со скратување или менување или фаќање на пократки патишта со многу внимателните евалуации за безбедност и ефикасност. Делот што можеше да се забрза беше поради технологијата на овие две вакцини и можноста да се развие вакцината со парче од гласник РНК, наместо со некои други методи што ги користевме повеќе од 50 години, што одземаат многу, многу време за да стигнете до моментот кога ќе можете да ја ставите вакцината на човечко испитување. Но, она што мислам е дека е супер важно за јавноста да го знае е тоа дека веднаш штом производот (вакцината) беше достапен и тргна во вообичаените клинички испитувања, тука немаше никакви кратенки.
Научниот деск на NPR е свесен за некои извештаи кои сугерираат дека дозата на вакцината би можела да се намали кај децата. Што знаете за тоа? Дали е тоа стандард? Дали децата вообичаено добиваат, на пример, помалку од вакцината против грип отколку возрасните?
Д-Р ДЕБИЈАСИ: За овие конкретни вакцини, овие две кои се досега објавени, резултатите кај 16-18 годишници се многу слични како и кај постарите лица. Но, ако ги погледнеме реалните бројки на несакани ефекти, тие се малку повисоки кај децата, што значи дека имаат поробустен имунолошки одговор на вакцината. Значи, секако е можно дека навистина ќе им биде потребна помала доза, сето тоа ќе се евалуира.
Што сакате да знаат родителите?
Д-Р ДЕБИЈАСИ: Мислам дека она што родителите треба да го знаат е дека огромно мнозинство на деца ќе поминат добро, дури и ако се заразат со COVID. Само 3% од сите хоспитализации во САД отпаѓаат на децата. Значи, знаете, ако земеме кое било дете, шансите се многу добри за нив дека ќе имаат лесна болест и ако бидат хоспитализирани, ќе преживеат. А вакцината е навистина важна за нас сега за прво да ја заштитиме нашата најранлива популација, а тоа се здравствените работници, есенцијалните работници од првите редови, нашите постари и нашите наставници и оние кои комуницираат со деца. И на крајот, со соодветни студии за безбедност што се прават и студии за ефикасност кај децата, исто така ќе имаме и безбедна и ефикасна вакцина и за нашите деца. (National Public Radio – NPR)
