Д-р Валерија Кирова-Урошевиќ: КОРОНАВИРУС – Здравите лица со носењето маски го зголемуваат ризикот да се заразат

ПИШУВА:
Д-р Валерија Кирова-Урошевиќ
специјалист инфектолог
ЈЗУ Универзитетска клиника за инфективни болести и фебрилни состојби

 ♦♦♦♦♦♦♦

КОРОНАВИРУС SARS-CoV-2 ПРЕДИЗВИКУВАЧ НА БОЛЕСТА КОВИД 19 (2)

Мерки на превенција и претпазливост

ОДРЖУВАЊЕ НА ЛИЧНАТА ХИГИЕНА И КОЛЕКТИВНАТА ХИГИЕНА Е ИМПЕРАТИВ ВО ПРЕВЕНЦИЈА НА ШИРЕЊЕ НА ИНФЕКЦИЈАТА!!!

Масовното носење маски не се препорачува, бидејќи тие не штитат од заразување. Единствено заразените лица треба да носат маски. Здравите лица со носење маски го зголемуваат ризикот да се заразат.

Лицата кои се вратиле од патување во земјите и регионите со зголемен број на заболени/епидемија со Ковид 19 доколку имаат симптоми на болеста:

1. Веднаш да се јават на телефонските броеви за контакт приложени од страна на Министерството за здравство и епидемиолошките служби (најблиското место на живеење);

2. ДА СЕ ИЗБЕГНУВА КОНТАКТ СО ДРУГИ ЛИЦА;

3. ПРИ КИВАЊЕ И КАШЛАЊЕ ДА СЕ КОРИСТАТ ХАРТИЕНИ МАРАМЧИЊА, А ПОТОА СЕ ФРЛААТ ВО КОРПА ЗА ОТПАДОЦИ;

4. ВО ОТСУСТВО НА МАРАМЧЕ КИВАЊЕТО И КАШЛАЊЕТО ДА БИДЕ СО ПОКРИВАЊЕ НА УСТАТА СО РАКАВОТ ВО ПРЕДЕЛ НА ЛАКТОТ.

Мерките за превенција подразбираат:

• Хигиена на рацете;

• Избегнување контакт со заболени лица;

• Носење маска при појава на симптоми;

• Избегнување на масовни собири;

• Да не се оди веднаш по амбулантите и болниците. Обратете се на својот доктор и посочените телефони. На тој начин се намалува ризикот за заразување;

• Почитување на препораките од здравствените власти за изолација во домашни услови при појава на симптоми.

Стандардни мерки за превенција во здравствените институции се:

1. Најдобар начин за превенција на ширење на инфекцијата во болничките институции е ХИГИЕНА НА РАЦЕТЕ!!!;

• ПРОЧИТАЈТЕ И… Д-р Валерија Кирова-Урошевиќ: КОРОНАВИРУС – Времетраењето на болеста од првите симптоми и знаци до комплетно опоравување кај лесните клинички форми изнесува 2 недели 

Рацете на здравствените работници се контаминираат при нега и лекување на болните, контакт со болнички врати, инструменти, мобилни телефони, лекови и други предмети. Затоа, хигиената на рацете да биде на највисоко ниво, со употреба на дезинфициенси, миење со сапун и вода. Постапката хигиена на рацете трае 20-30 секунди.

2. Респираторна заштита;
3. Користење на лична заштитна опрема;
4. Безбедно ракување и чистење на се што е во контакт со заболените;
5. Чистење на работните површини, работната и надворешната средина;
6. Безбедно ракување со болничката постелнина;
7. Соодветна диспозиција на отпадот.

♦♦♦♦♦♦♦

ПРОЧИТАЈТЕ ПОВЕЌЕ ТЕКСТОВИ ПОВРЗАНИ СО ТЕМАТА „КОРОНАВИРУС“ НА СЛЕДНИОВ ЛИНК