„За коронавирусот е докажано дека живее и негов главен ресурс и природно живеалиште е лилјакот, кој иако е цицач како и ние, не се разболува од него. Се претпоставува дека лилјакот кога лета неговата телесна температура се покачува до 41 степени, а вирусот не може да се размножува или да вирее на повисока температура од 37 или 38 Ц степени“, објаснува д-р Жан Митрев.
Познатиот кардиоваскуларен хирург вели дека вирусот во Европа започнал да се шири од луѓе кои биле на скијање, односно во ладните предели. „Докажано е дека вирусот се населува во усната шуплина и носот, од каде што чека можност да се спушти на плуќата од каде е и најголемата опасност. Јас препорачувам никако да не се спроведува никаква физичка или рекреативна активност надвор“, апелира докторот, кој вели дека ладниот воздух може да го забрза патот на вирусот до белите дробови.
„Ако мора да се излезе надвор наместо заштитна маска носете топол шал околу вратот, дишете преку него. Со маските нема никаква заштита“, објаснува докторот. Тој, исто така, препорачува и да се прават инхалации по неколку пати во денот со она што ви е омилено, чај, кафе, па дури спомнува и виски… „Битно е да инхалирате врел воздух и со тоа да му оневозможите на вирусот понатамошен развој и да го спречите неговото стигање до плуќата“, вели д-р Митрев.
Последнава препорака допрва треба да се види дали функционира. „Можеби, на овој начин, со висока температура ќе се спречи развојот на вирусот во слузокожата од носот или устата и ќе се убие“, додава д-р Митрев, кој вели дека оваа негова теорија брзо би можело да се утврди со контролирање на оние што се позитивни на вирусот.
„За една седмица пак ќе ги тестираме и доколку се покаже дека ова фунционира, тогаш би била превенција која многу ќе придонесе за што поскоро да се нормализира оваа состојба“, завршува докторот во своето видеообраќање.
