Родителите често слушаат исто предупредување: „Не го заспивај бебето во раце – ќе се навикне!“ Но дали навистина е така, особено кога станува збор за многу мали бебиња?
Според д-р Сатја Нарисети, професорка по педијатрија на Универзитетот Рутгерс, нема ништо погрешно во тоа да го држите бебето во раце додека заспива – барем во првите неколку месеци од животот.
„Бебињата помлади од четири месеци треба да бидат утешувани онака како што им е потребно за да заспијат“, објаснува таа.
„Сепак, откако ќе заспие, секогаш ставете го бебето на грб во креветче – тоа е најбезбедниот начин за спиење.“
Кога е време да се менува навиката?
По трет или четврти месец, бебето почнува да развива поредовен ритам на спиење. Тогаш можете да процените дали успивањето во раце сè уште ви одговара – и вам и на детето.
„Секое бебе и секое семејство се различни“, вели Нарисети.
„Но, веројатно ќе сакате да се ослободите од оваа навика пред детето да почне да оди.“
Зошто е важно бебето да научи само да заспива?
Самостојното заспивање не значи дека сте помалку грижливи. Напротив – тоа е важна вештина за развојот на детето. Дете кое знае само да се смират и да заспие, полесно ќе се справи со будењата во текот на ноќта – без плачење и без постојана родителска интервенција.
Како да започнете со „тренинг за спиење“?
Еден од најпрепорачуваните методи е Фарберовата техника:
- Ставете го бебето во креветче додека е уште будно
- Дозволете му само да заспие, но тешете го доколку се вознемири – без да го земате в раце
Ова постепено го учи детето на самосмирување.
Рутината е клучна
Воспоставете јасна рутина пред спиење:
- Купка
- Кратка приказна
- Песничка
- И потоа – креветче
Рутината создава чувство на сигурност и подготвеност за спиење, што придонесува за поквалитетен одмор – и за бебето и за родителите.
