Децата со предвремен пубертет доживуваат рани нагли скокови на раст поради ненормално рано зголемување на нивото на половите хормони. На почетокот, ова предизвикува децата да растат повисоки од другите на нивна возраст, но и нивните скелети созреваат побрзо. Ова често доведува до тоа да престанат да растат на рана возраст, и на крајот да бидат со просечна или потпросечна висина како возрасни.
Акромегалија и гигантизам
Акромегалија е состојба кај возрасните која е предизвикана од зголемено лачење на хормонот за раст по прекин на нормалниот раст. Тоа е многу ретко. Бидејќи возрасните не можат да растат, вишокот на хормони во акромегалија предизвикува згуснување на коските на возрасните и зголемување на другите структури и органи.
Гигантизмот се јавува кога постои прекумерно лачење на хормонот за раст кај децата пред да престане нивниот нормален раст. Ова доведува до прекумерно долги коски. Покрај вертикалниот раст во висина, него со придружуваат и мускулите и органите. Резултатот е личност која е многу висока, со голема вилица, лице, череп и многу големи раце и стапала.
Ако сте загрижени за висината на вашето дете
Доколку сте загрижени за висината на вашето дете или мислите дека вашето дете можеби пребрзо расте, разговарајте со вашиот педијатар. Едноставна рендгенска снимка на дланката и зглобот може да покаже колку на вашето дете му останало да порасне. Лабораториските тестови исто така можат да помогнат да се открие причината за проблемот со растот и како да се третира. Може да бидете упатени и кај педијатриски ендокринолог, генетичар или друг педијатриски специјалист за понатамошна евалуација и третман.
