Додека вакцината делува сигурна како мерка на заштита, стручњаците предупредуваат дека сепак може да помине време пред се да се врати во нормала, а тука се вклучени и посетите на повозрасните членови на семејството.
“Сигурно владее одредена возбуда меѓу оние кои морале да бидат одделени од семејствата, но и натаму не сме ги победиле сите проблеми. Се работи за процес“, вели Ронан Фактор, од Центарот за геријатриска медицина во САД.
Со оглед дека на приоритетната листа за вакцинација се повозврасните лица и медицинскиот персонал и постои одреден ред за вакцинирање, ситуацијата ќе стави многу семејства да постарите членови бидат вакинирани, а младите не. Еве што објаснуваат стручњаците, што тоа значи.
РИЗИКОТ НЕ Е КОМПЛЕТНО НАДМИНАТ
Д-р Колин Кели, професор на катедрата за инфективни болести на Универзитетот Емори, наведува дека вакцината значи дека се движиме во вистинска насока, но никако не се работи за ситуација без никаков ризик, и потребно е сепак да се случат некои работи за ризикот да се сведе на минимум. Тоа вклучува да поголем процент од населението се вакцинира и инфекцијата да се сведе на минимум внатре во заедницата.
“И понатаму не е се бајковито“, потенцира д-р Кели и со д-р Фактор се согласуваат дека можеби пред крајот на оваа година, ситуацијата ќе биде подобра.
Дотогаш, важно е да се внимава на сите мерки на заштита кои и натаму се на сила – маска, растојание, хигиена.
“Која вакцина и да ја примите, нема да биде стопроцентно ефикасна, па дури и да се работи за 95% ефикасност, ризикот и натаму е присутен. Со оглед на брзината со која се шири вирусот, тие пет проценти значат многу“, потенцира д-р Кели.
