Рамнотежата помеѓу искреноста и заштитата на децата во светот на родителството може да биде тешка. Родителите често користат она што се смета за безопасна бела лага, за да ги заштитат своите деца од тешки вистини или за да тешките ситуации ги направат едноставни. Сепак, овие навидум безопасни лаги може трајно да влијаат на емоционалниот и психички развој на децата.
ГУБЕЊЕ НА ДОВЕРБА
Децата им веруваат на родителите бидејќи ги сметаат за сигурни учители. Меѓутоа, ако родителите често лажат, тоа може да ја поремети таа врска и да создаде проблеми во односите додека децата растат. Важно е да се постави цврст темел на доверба уште во рана возраст.
ЕФЕКТ НА ПЕПЕРУТКА
Иако малите лаги можеби се чинат неопасни, тие може да имаат големо влијание на тоа како детето гледа на светот. Овие навидум невини лаги, кои може да вклучуваат измислени приказни за Дедо Мраз или ветувања дека ќе ја добијат саканата играчка, може да предизвикаат децата да станат скептични и збунети.
Родителите треба да бидат внимателни со пораките што ги пренесуваат бидејќи тие може да го искриват детскиот морален компас.
ВЛИЈАНИЕ НА ЕМОЦИОНАЛНАТА СОСТОЈБА
Лагите во рамките на смејството може значајно да влијаат на емоционалната состојба на детето, предизвикувајќи зголемен стрес, вознемиреност и дури чувство на предавство. Разговорот со децатаза тешки теми, со иксреност прилагодени на возраста, им помага во развојот на емоционална интелегенција и важни механизми за соочување во животните предизвици.
За да се намалат негативните ефекти од лажењето, членовите на семејството треба да поттикнат искрена меѓусебна комуникација. Воспоставувањето темел на доверба им олеснува на децата за поставување прашања и добивање искрени одговори, прилагодени на нивната возраст.
Важно е да се цени ставот на децата и да се препознаат нивните емоции за да се создаде средина во која ќе се чувствуваат пријатно, споделувајќи ги своите идеи и грижи.
