Несигурните деца често имаат проблеми на многу полиња од животот, во односите со другите луѓе, училиште или други обврски со кои се соочуваат во текот на денот. Во продолжение ви откриваме како ќе препознаете дека и вашето дете го има овој проблем.
1. Несигурното дете често зборува за себе на крајно негативен начин
И тој има тенденција да дава изјави како: „Јас сум глупаво/грдо/неспособно“. Тоа се случува затоа што детето не верува во себе и во своите способности, туку мисли дека не е доволно добро, од која било причина.
2. Несигурнитее деца се затворени
Наместо да биде отворено и секогаш подготвено за дружење со врсниците, несигурното дете е повеќе склоно да избегнува гужви, да се повлече во себе и поголемиот дел од слободното време да го поминува во самотија. Главната причина е стравот од осудување од околината, во овој случај другите деца.
3. Несигурното дете постојано се споредува себеси со другите
Наместо да верува во себе и да се фокусира на сопствените желби или можности, детето кое нема самодоверба обично се споредува со своите врсници, мислејќи дека тие се многу подобри, поуспешни или попаметни од него.
4. Несигурното дете тешко прифаќа каква било критика
Со оглед на тоа дека несигурното дете веќе мисли лошо за себе, секоја критика само дополнително ќе го убеди во тоа, објаснуваат психолозите. Во овој случај, тоа често може да се повлече во себе, да стане тажно или дури да заплаче, иако критиките што ги добило биле конструктивни.
