Колку пати сте се запрашале дали е подобро кон детето да бидете строг или не? Сигурно многу пати сте размислувале за ова, но и сте запрашале каков родител сте всушност.
Дисциплината и послушноста се важни, рутината е неопходна за правилен развој и добро воспитување, а родителот секогаш мора да го насочува детето. Сепак, некогаш строгоста и правилата стануваат основа на воспитувањето, а разбирањето и препознавањето на детските емоции целосно се губат.
Ова се неколку клучни работи кои покажуваат дека сте строг родител:
Сакате правила и дисциплина
Правилата се важни, но понекогаш треба да знаете да ги заобиколите. Мора да му дозволите на детето да носи некои одлуки за неговиот живот и дека понекогаш не мора да го испочитува секое поставено правило.
Поважен ви е резултатот отколку трудот
Секако, сите сакаме детето да биде успешно и да се бори за себе.Сепак, мора да му понудиме поддршка и кога нема да успее, бидејќи трудот е сепак најважен. Треба да му покажеме дека гледаме дека работело и се борело за нешто.
Не го прашувате детето за мислење
Секако дека вие сте повозрасни, попаметни и поразумни од детето. Сепак, на детето е важно е да му дадете простор да биде дел од процесот на донесување одлуки. Прашајте го за мислење, оставете го само да избере нешто, за да од него направите личност која се почитува себеси и може само да одлучува.
Му се заканувате на детето, наместо да разговарате
Дали сте од оние родители кои веднаш почнуваат да му се закануваат на детето кога нешто ќе згреши? Секој ова го прави со желба да го научи детето на добро однесување и воспитување, но многу е покорисно убаво да се разговара со детето, да се слушнат причините за лошото однесување и да му се објасну зошто тоа не е добро. Овој начпин на учење е многу поефикасен.
Детето ве лаже
Многу често децата почнуваат да ги лажат своите родители ако се строги. Зад ова обично стои стравот од вашата реакција доколку ви ја каже вистината. Обидете се да бидете сигурност детето, за да може секогаш да ви каже сè.
Ги занемарувате емоциите на детето
Често децата не умеат да ги искажат нивните емоции, особено страв или загриженост. Затоа е важно да се следи и набљудува детето како се чувствува, да се разговара со него и да му се помогне и да му се понуди сигурност.
