За да може вашето дете, иден ученик самостојно да ги подготвува своите училишни ужини, да ги пишува домашните задачи навреме и да учествува во домашните работи без да се жали, важно е уште од најмала возраст да го научиме детето на организирано однесување. Педијатарот Дејмон Корб, татко на пет деца објаснува како да се поттикнат организациските вештини кај децата.
Бидете доследни
На децата им требаат рутини за да напредуваат, а доследноста ќе ви олесни во тоа. Кога детето плаче, а вие го утешувате, тоа ќе го сфати образецот на причина и последица. Како што расте детето, научете го секогаш да ги мие рацете пред јадење, а чинијата да ја става во машина за миење садови после јадење. Кога ќе стане тинејџер, хормоните ќе го натераат вашето дете да се однесува недоследно, па затоа претходните ритуали тогаш ќе бидат особено корисни.
Придржувајте се до ред
Можеби вашето малечко сè уште не знае да гледа на часовник, но вие можете да му помогнете подобро да ја разбере идејата за времето и термините како порано, за време и потоа. Ако кажете дека нешто ќе се случи за пет минути, не правете го тоа за дваесет затоа што го нарушувате концептот на времето на детето. Исто така, научете го дека активностите имаат почеток, средина и крај. Детето ја зема играчката, си игра и на крајот ја враќа на своето место.
Се си има свое место
Дозволете му на детето да знае кои места во куќата се наменети за јадење, читање, играње итн. Организирајте ги детските играчки по категории, направете место за плишани животни, топки, автомобили, коцки за да може детето полесно да се снаоѓа.
Вежбајте планирање однапред
Децата кои имаат добри организациски вештини учат од своите грешки полесно од другите бидејќи можат да го разберат концептот на очекување. Вежбајте планирање и прашајте го вашето дете што мисли, колку време ви е потребно да стигнете до куќата на баба, колку од неговите омилени песни можете за тоа време да пеете? Можете исто така да предложите да одите на излет и да прашате што ви треба за таму и да го поттикнете детето однапред да се пакува.
