Зголемената телесна температура е симптом кој често се јавува кај децата при различни инфекции, а родителите често се обидуваат да ја намалат на различни начини, сакајќи да избегнат лекови, иако тоа не е секогаш можно.
Постои и теорија дека јадењето сладолед може да помогне да се спушти температурата, а д-р Илја Садиков истакнува дека овој студен десерт нема да има значаен ефект на температурата.
„Сладоледот нема да ја намали температурата, па затоа е подобро да се придржувате до некои други методи. Триењето со ладна вода и нанесувањето ладни облоги на местата каде што се наоѓаат големите крвни садови е многу поефикасно. Но, важно е да имате на ум дека лекувањето на своја рака е многу опасно кај високи температури, така што би требало да отидете на лекар“, вели д-р Садиков.
Ако вашето дете има висока температура, повисока од 38 степени или едноставно потешко поднесува покачена телесна температура, најдобро е да посетите лекар за да ја утврдите причината за температурата.
Покрај тоа, лекарот потсетува дека треската често со покачената температура се јавува и намален апетит, поради што е многу важно да се внимава на внесот на течности за да се избегне дехидрација.
