Едно од неизбежните прашања со коe во одреден момент се соочува секој родител е – дали сум добар родител, дали правам нешто погрешно или им ја давам на моите деца потребната поддршка низ животот.
Психологот Наден ван дер Линден открива кои се знаците дека сте добри родители.
1. Детето не ги крие своите емоциит пред вас
Способноста на детето да ви покаже лутина, тага или страв покажува дека се чувствува безбедно со вас. Кога детето ги крие чувствата од родителите, тоа е знак на проблеми во односот.
Обидете се да избегнете детето да се затвори и не го спречувајте да го покаже она што го чувствува.
2. Детето ви ги кажува своите проблеми и фрустрации
Ако вашето дете дојде кај вас со својот проблем, тоа значи дека добро ја вршите работата. Вие сте безбедно засолниште за него. Најдете време и слушајте што има да каже за да го поттикнете да ви се довери. Не осудувајте, бидете тој што го насочува, а не контролира.
3. Детето може да зборува за мислите и чувствата без страв од ваша осуда
Ова е позитивен знак за отворен и флексибилен однос. Некои родители несвесно ја ограничуваат комуникацијата со своето дете преку сопственото однесување, како што е претерана реакција на мисли или чувства што не им се допаѓаат или кои го загрозуваат нивниот авторитет како родител.
4. Ако не сте критични кон вашето дете
Добрите родители не го критикуваат однесувањето и избегнуваат зборови како „лош“, „зол“, „алчен“ и „мрзлив“. Ако детето ги изело сите чоколадни бисквити пред да ги сподели со други, добрата мајка ќе го коментира самото однесување. „Ги изеде сите бисквити и не ги подели со никого. Во нашето семејство споделуваме сè. Важно е да го делиш со сестра ти и брат ти. Како мислиш дека би можел тоа да го поправиш?’ Ова е различно од реченицата: „Ти си скржаво момче. Оди во својата соба’.
5. Ако го поттикнувате детето да го прави она што го сака
Со развивање на интереси и таленти, детето развива вештини и постигнува резултати. Можете позитивно да ги ангажирате децата во раните детски години. Одлично е да напредувате во нешто што го сакате. Понекогаш, родителот манипулира со интересот на детето да ги исполни сопствените соништа и желби.
Кога ќе го присилите детето да го прави она што не му се допаѓа, вие сте на погрешен пат и пред се му ја уништувате самодовербата. Ако и успее во вашите желби, зад неговиот успех стои само нарцисоидна родителска амбиција, децата го носат товарот на разочараниот родител и сопственото разочарување.
6. Поставувате здрави граници за детето да биде безбедно
Добрите родители го насочуваат однесувањето на своето дете поставувајќи граници и огтаничувања. Децата без граници и правила често запаѓаат во неволја или се губат. Границите им помагаат да се чувствуваат сакано и ценето, дури и ако понекогаш не им се допаѓаат. Некои примери на добро поставени граници се: рутини за спиење и љубезни изрази кон членовите на семејството.
7. Се извинувате за вашите грешки
Да се биде во состојба да се работи на односот со детето е знак на добар родител. Ако викате или претерате со реакцијата, многу е важно да се извините и да се коригирате. Разговорот со детето може да ви помогне да ја решите ситуацијата. Објаснете му дека и вам ви треба помош околу вашите чувства.
Успешното родителство пред се значи обезбедување на безбедна и здрава средина за детето. Тоа создава место од кое детето единствено може да напредува.
