Може ли да се заразите преку сетот за тестирање на коронавирус? Дали брисот од нос ќе го оштети вашиот мозок? Ако само дишете на стапчето за тестирање, дали ќе бидете позитивни? Во продолжение одговори на најчестите заблуди
БРИСОТ ОД НОС НЕ МОЖЕ ДА ГО ОШТЕТИ МОЗОКОТ
Не, брисот од нос не се зема на крвно-мозочната бариера. Имено, мозокот има повеќе слоеви на заштита. Стапчето за брис ставено во носот би требало да пробие повеќе слоеви на ткиво, да помине низ коската и да влезе во крвните садови за да стигне до крвно-мозочната бариера.
„Брисот од нос не може да стигне до крвно-мозочна бариера без значителна сила која би пробила неколку слоеви на ткиво и коска. Во пракса, никогаш не сме виделе компликации произлезени од земањето брисеви“, изјави неврологот Лиз Култхард, член на одборот на Британското здружение за неврологија (BNA).
Таквиот брис го открива коронавирусот во задниот дел на носната празнина и е една од техниките за земање брис.
Комбиниран брис од нос и грло рутински се користи за тестирање на COVID-19 во Велика Британија.
„Земавме брисеви од многу пациенти додека работев во болница. Освен тоа, тие брисеви ги правам на себе секоја недела. Необично е да имате нешто толку длабоко во носот – може да почувствувате чешање или скокоткање, но брисот од нос не би смеел да биде болен“, вели д-р Том Вингфилд од Liverpool School of Tropical Medicine.
Ваквите лажни тврдења почнаа да се појавуваат во САД околу 6 јуни и се раширија низ целиот свет преку Фејсбук – истите лажни графикони беа споделени преку романски, холандски и португалски објави.
НЕМА ДА СЕ ЗАРАЗИТЕ ПРЕКУ СЕТОТ ЗА ТЕСТИРАЊЕ
Извештаите за контаминираните сетови за тестирање на коронавирус се всушност погрешно протолкувани.
Имено, станува збор за извештаи за неефикасни тестови, до кои дошло поради лошо завршена работа во Американскиот центар за контрола и превенција на болести (CDC) на почетокот на пандемијата. Тоа не значи дека ќе се заразите ако се тестирате, наведува Би-Би-Си.
„ЗОШТО НЕ МОЖАМ ДА ДИШАМ ДОДЕКА МИ ЗЕМААТ БРИС?“
На социјалните мрежи се прошири меме кое прашува: „Ако COVID-19 навистина се пренесува преку здивот, зошто не можам да дишам додека ми земаат брис? Зошто мора да го пикнат стапчето во задниот дел на носот?“
Коронавирусот се шири кога заразено лице кашла или кива, при што капките се шират низ воздухот. Ова не значи дека само преку дишење на стапчето за време на земање на брис од нос може да се собере доволно материјал за лабораториски тест.
Ако само дишете на стапчето додека ви земаат брис, можно е честичките на вирусот да не бидат фатени. Меѓутоа, ако го ставите стапчето во носот или грлото и го завртите на заразеното место, поверојатно е дека ќе добиете заразен материјал.
