Децата кои го прескокнуваат појадокот имаат поголема веројатност да развијат проблеми во однесувањето, сугерира една студија.
Порано појадокот се сметаше за најважен оброк во денот, давајќи им го на мозокот и телото горивото што им е потребно за денот што претстои. Но, луѓето почнаа да се сомневаат во таа идеја во последниве години, бидејќи студиите покажаа дека наизменичното постење може да ја зголеми долговечноста.
Сега, студија сугерира дека прекинувањето на утринските оброци може повеќе од тројно да го зголеми ризикот од проблеми, вклучувајќи анксиозност, ниска самодоверба и лошо расположение кај младите луѓе.
Истражувачите анкетирале родители на 3.700 деца на возраст од четири до 14 години во Шпанија за да видат како навиките во исхраната влијаат на нивното ментално здравје.
Авторите велат дека прескокнувањето на појадокот може да ги предизвика проблемите затоа што децата ги пропуштаат виталните хранливи материи наутро и не можат да го надополнат дефицитот во текот на денот. Тие исто така откриле дека појадокот на пат до училиште – од кафуле или ресторан – го зголемува ризикот во споредба со оброкот дома.
Авторот д-р Хозе Франциско Лопез-Гил, од Универзитетот во Кастиља-Ла Манча во Куенка, рече: „Нашите резултати сугерираат дека не само што е важно да се појадува, туку е важно и каде младите појадуваат и што јадат.
Авторите на истражувањето велат дека прескокнувањето на појадокот може да предизвика проблемите затоа што децата ги пропуштаат виталните хранливи материи наутро и не можат да го надополнат дефицитот во текот на денот. Тие исто така откриле дека појадокот на пат до училиште – од кафуле или ресторан – го зголемува ризикот во споредба со оброкот дома
Прескокнувањето на појадокот или појадувањето надвор од дома е поврзано со зголемена веројатност за психосоцијални проблеми во однесувањето на децата и адолесцентите.“
Слично на тоа, консумирањето на одредени видови храна или пијалаци се поврзани со повисоки или помали шанси за психосоцијални проблеми во однесувањето.
Студијата е објавена во „Frontiers in Nutrition“, а ги анкетирала родителите на 3.772 деца во Шпанија во 2017 година.
Анализата покажала дека децата кои го прескокнуваат појадокот имаат 3,29 пати поголема веројатност да развијат проблеми во однесувањето од оние кои појадуваат. Оние кои појадувале надвор од домот имале 2,06 пати поголеми шанси да ги доживеат проблемите. Истражувачите сугерираат дека појадокот што се јаде во кафулиња и ресторани за брза храна има тенденција да биде помалку хранлив, пренесува „Дејли мејл“.
