Носењето маски, одржувањето на хигиена, социјалната дистанца и ограничувањето на собири за време на Ковид-19 помогна да се намали ширењето на вирусот. Но, што значи овој повеќегодишен период на помала изложеност на инфекции за нашиот имунолошки систем?
За некои луѓе, симптомите на настинка може да изгледаат полоши од кога било досега.
Одржувањето на хигиената, како што е честото миење раце и чистење на површините, може да помогне да се спречи ширењето на настинки. Исто така, многу е важно и да внесувате доволно течности. Ако ве боли грлото, гаргара со топла солена вода може да ви донесе олеснување
Дали вирусите станаа посериозни?
Експертите велат дека вирусите на настинка не станале посериозни отколку што биле пред пандемијата. Во моментов нема докази за тоа. Сепак, постојат неколку причини зошто сега кога ќе настинете, мислите дека ви е полошо од кога било.
Зошто симптомите на настинка изгледаат полошо од порано?
Една од причините зошто симптомите на настинка може да изгледаат полошо е затоа што луѓето едноставно заборавиле како е да се настине, бидејќи во последните години не биле изложени на никакви инфекции. Симптомите на настинка вклучуваат кивање, кашлање, течење на носот, болки во телото, непријатност во градите и температура. Некои од нив може да потраат и до 10 дена.
Послаба изложеност на вируси
Послабата изложеност на вируси на настинка, исто така, може да игра улога. Луѓето кои не биле настинати подолго време нема да бидат премногу имуни на вируси, вели Питер Чин-Хонг, професор и специјалист за заразни болести на UCSF. „Послабата изложеност на вируси со текот на времето може да доведе до тоа настинката да изгледа полошо од порано бидејќи не сте биле изложени на неа долго време“, додава тој, а пренесува „Тајмс оф Индија“.
Дали луѓето сега настинуваат повеќе?
Поголема е веројатноста луѓето да настинат, со оглед на тоа што сега повеќе излегуваат и се дружат и не носат маски, како што беше случајот за време на пандемијата. Сепак, тоа што настинката ви изгледа полошо од порано може да има повеќе врска со вашиот мозок отколку со вашиот имунолошки систем, велат експертите. Можеби настинката ви изгледа полошо едноставно затоа што долго време не сте настинале.
Кои се најдобрите начини за лекување на настинка?
Одржувањето на хигиената, како што е честото миење раце и чистење на површините, може да помогне да се спречи ширењето на настинки. Исто така, многу е важно и да внесувате доволно течности. Ако ве боли грлото, гаргара со топла солена вода може да ви донесе олеснување.
