Колку време поминувате со вашето дете во текот на денот? Поради нашите многубројни обврски и брзиот начин на живот, работата која ни одзема најголем дел од деновите додека нашите деца се во градинка, ни остануваат само уште неколку часа да поминеме со нив.
Делува тажно, но ова е секојдневието на повеќето семејства во нашата земја. Иако е така, најважно е да поминувате квалитетно време, никогаш да не заборавите дека најважно е да изградите доверба и да ја задржите дури и во тинејџерските денови. Правилото од три минути може многу да ви помогне, а еве за што се работи.
Што е правилото три минути?
Тоа значи дека секој пат кога не сте го виделе вашето дете некое време, без разлика дали е тоа еден час, цел ден или неколку дена, седнете, спуштете се до нивото на неговите очи. Прегрнете го и прашајте го што се случи додека бевте разделени. Што и да ви каже, слушајте го. Разговорот нека трае најмалку 3 минути бидејќи по правило овој пат е доволно детето да му презентира важни информации.
Најважно е во овие три минути да бидете целосно фокусирани на детето, да го погледнете во очи и да му покажете дека внимателно го слушате.
Зошто е важно ова правило?
Важно е веднаш да се напомене дека правилото од три минути не значи дека е доволно да поминете само три минути дневно со вашето дете. Тоа значи дека најмалку три минути треба да бидете максимално фокусирани на детето, неговите чувства, искуство и мисли.
Благодарение на овие неколку минути, ќе можете да изградите однос на доверба со вашето дете. Ќе почувствува дека не е запоставено, и дека ви е важен неговиот живот и се што се случува во него. Ќе поминат години, детето ќе порасне, ќе се оддалечи и ќе ви каже многу помалку за себе. Но, секогаш ќе знае дека има родител кој е искрено заинтересиран за тоа, и што е најважно, го слуша.
